9. Kitunga Mojeson Adong Gudingte

Josepon kahidlin atiki, anin abirindanji misarlingan basuleji. Aninji do a birindanji ateng ayam sikoija misar disalingan basuleji do ateng parjanji delaji. Aninji adong Israelenji gamle ganudingan delaji.

Bosua mihnum atiki, Israelanji ateng ganirsaiyan delaji. Misar bai ji Josepon asanaiyam baran aninji adnayimedji. Aninji Israelanji ateng adelinji asan batongleji. Bar kun ayaman Paron dissan abhanaetin do Israelanji adong misar bai ji abuantaji abme-etin.

Misaranji Israelanji adong balamantaman ateng tarding singan do gardan janang gutulba gamleji. Do lagin baran bati amandrengnanji ateng dukkadagi dakuli, bindo Kitungan aninji adong absitaetin do aninji ateng passijan kudleji.

Paron gijjetin do Israellanji ateng pasijan kudteji, do anin amandranji adong opungle gamentin Israellanji akuddub o’gerananji tuable nila aloligan appangdaba.

Bo Israel ainsalon bo onger sijan kudetin. Anin kun pasijan aranabtin sikoija sole dakuetin.

Ayengante ayam ayangan pasijan adong sole adraptied, anin pasijan adong karadhidan saring arabrabin asan aboi pilalingan piddle do Nilo alolingan appangdaetin. Pasijan akaki kunati yandeti gamle solin gijgijetin.

Pharon adangardi o’nan kun pilan abkudle gijetin. A-yehangti ayam anin kun sana pasidjan gijetin, anin kun pasijan adong a’ondaman ambrij urungetin. Anin irgalamlabi pasijan ayang bo Israel boijan pasijan amemebin asan badin tzhyle dakuetin. Ayinganti ayam kun pasijan marangli do arduban sanaisai adeed ayangan kun pasijan adong Pharon adangadion abyaretin, butinti anin adong Mojesh gamle tihyumetin.

Bo dinan, ayengante ayam Mojesh marangle, anin gijeten do bo Ebri mar ado’ng bo Misor bai tzdetin. Mojesh Israel maran a’dong a-rabrabbin assan eretingujetin.

Kun ayamlingan Mojesh ogaletin do buteja adgihlinji, anin Misor bai adong tuable lakijlingan tiletin. Bindo bo mandra Mojesh alumetin abara gijetin.

Pharon Mojesh alumetin abara galametin. Anin a’kabhibin asan Mojesh adong sajetin, bindo Mojesh Misor saring yeranyer-e jannanglingan dakunetin. Pharon a-kudub saanu maranji janang a’hangedji.

Mojesh kun Misor dissan saring sangai tulablingan bo gupamedmar deli. Anin kun tiedti bo insolon adong sidrunglin do bagu pasijan hangetin.

Anganti Mojeson akuharan amarndamedan gubbetin. Bo dinna Mojeson gijetin, itija irjumtudlabi togi hamagli. Anin hamangtudaan agijbin asan runkurdiban yirretin. Anganti anin runkurdi tuyali, Kitungan apungle gametin, “Mojesh panduinam tabna a’tananglinglen alabo Mariddam.”

Anti saring Gamangtugan gametin, hen mandra damhenji akanalkal gihlai. Misor dissaban buanta baran saring Israelanji adong urrungbin asan hen dongnam paron amangban appaitam. Abraham, Isakon, do Jakobon amang jibjiblinaihen adisa Canaan aninji adong tihtai.

Mojesh jalangle gametin, “bogad mandranji butin aman adong mangbalen appai-yamte gamlenjiden hen itin gamai?” Kitungan gametin, “HEN BUTINTE DAKU ANTATI HENNA DAKU. aninji oppungaji mangba bin HEN NA appai-hintin. Bar okij aninji adong oppungaji, ‘Hen Jioba, Abraam, Isakon, do Jakobon jujubinji tarda ayam a Kitungan.”

Mojeson boi boi batongli do Pharon amangba adniyed itin asan gamlenden anin ogandi-etin anin sakkai birna birrin adraptie, antin asan Kitungan Mojesh a’buhang Arun adong sanayaman apsele appaietin.