6. Kitungan Isakon Apsele Oskaietin

Ayenganti ayam Abram talaibali, kun a-onnan Isakon marangle. do selitin Abram a-onnan Isako apsele bo insalon apangbin asan a boantan ado’ng aeiemalam mandranji amangban apaietin.

Abraam aiemalam maranji adarkunaba ateng dinna handgodan batti ardulen atiki, Kitungan buantan adong Ribikan adong arabangbin asan tangoretin. Anin Abram auban auleng dakuli.

Ribikan asing birindanji adong omdrengan omrengle abuantan ampara Isakon asing ayeirbin asan odietin. Reibikan arduaitin atabdong Isakon Ribikan adong sidrungnetin.

Ateng ayam atiki, Abraam kahidli. Kitungan Abram a’on Isako adong absitaetin, Itin asan gamlenden Abraam ampra sibdeibirnetin. Kun lingan aboi jibjibna sibdehbiran dakuli, do Abram abirindanji erdanisamdagi de-etiji. Bindo Isakon ainsalo, Ribikan adkudoned.

Isakon Ribikan apsele garbiretin, bar Kitungan anin adong bo labada sidjan apanguronan asan ranabtin tiyetin. Kun labadasijanji Ribikan akampunglingan adakulinanji ayam di dargam rodilinji, anti asan Ribikan Kitungan adong apongle gametin kan ati yanambrij deti.

Kitungan Ribikan adong gametin, “Aman bagu onger sijan kudte. Anin abirindaji bagu bigarda teganji detaji, aninji di dargam sanutinji. bindo asurda onam saring adungten atega asanna onam saring adungten atega abirnan maniteji.”

Ayinganti ayam Ribikan apasijanji karukkudan delaji, adiban o’nan miyaman ambarid je-edam do adongan uppiran bati barij dakuli, do Anin ahiman Esso gamle tihyumleji. Anti atiki Jakobon abuhang adanunkudijingan hamle dungnaitin, do ahiman Jakob gamle tihyumleji.