26. Jisun Ganangkil Baran Susuetid

Jisun duaihsuman a tanungjing ardian ardile, anin Galili a manengban dayaretid. Tidne anin dakunetid. Marid Jangardan anin ado’ng ateng ranabtin tietid, do Jisun biggarda biggarda gorjang ban yerre hanghang tietidji. Kuddub mandranji anin abangsa baran abmele birrinji.

Jisun Nazarit gardaban yeretid. Ayinganti agorjanglingan anin apandrasijan ayam dakunetid. Layemna dinan anin ganangkil singban yiretid. Abmangod maranji Jisayo tungmad gij maran a-nid kambolan tiyleji. Aninji kan ati akinolbin asan itsumleji. Bar Jisun kan a-nid kambolan rile do mandranji apsele asui kinoletid.

Jisun kinoletid, “Kitungan a Jangardan dohong hen tiyetin yanti gamle hen banage maranji amangban bangsa anobling biran opungle raptitai. Anin karojosi’ng lingan a daku amandranji a u’rungbin asan appayintid, bar kardu maranji a’gijbin asan, do tanemderan ahang tenji amanranji adong abumrelbin asan. Anlen apsele Kitungan asuyim do a snayim ayam kani na.”

Ansaring Jisun Jaitan gobetin. Anin ado’ng kuddub mandranji tangtang madle gij gijlaji. Aninji galamlaji do ayiganti a hanang a kanbolan anin kinoletin kun ati Messian abirna na dakuli. Jisun gametin, “Ayingante ajanab ambin apsele hen kinollai, kun a kudduban namidhen pungiti.” Kuddub mandraji kan apsele boi boi rubmangdalaji. Aninji gamleji “Kan ati Josepon a o’nan tid po?”

Atiki Jisun gametid, “Kan ati jardina ayinganti a garda lingan bo tungmadgij maran surdati kun titti a’mandranji anin ado’ng angaja adjaeji. Eliyo tungmadgij maran ayamlingan, Israel lingan ateng juar bojanji dakulaji. Bindo ayingganti ayam lingan yagi mihnum tudru angai sikoija ganuran ad’de-ed, Kitungan Israel lingan a’dakulin a’kuddub juar bojanji a sayimbin asan Eliyon ado’ng ad’nappaied. Bindo bigarda disan lingan a daku ajuar boijan amangba Eliyon ado’ng appaietid.”

Jisun ir-kadab linbe birnetid, “Do Elisayo tungmadgij maran ayam lingan, Israel lingan ateng ganatan batti maranji dakuleji. Bindo Elisayon aninji ado’ng adnab samanged. Anin Naaman sattan adong abangsae-tin, anin Israellanji asangim murda sanu mar dakuli.” Bindo Jisun a berna amdanglenji amandraji Jiudi maranji dakulaji. Do ayinganti ayam aninji abirnan amdangleji, Aninji alanankan boi boi barableji.

Najareta baiji ganangkil singang saring Jisun ado’ng dingle bayiran amdungleji. Aninji anin ado’ng a kabhidbin asan aling ling darakunaban urungleji. Bindo Jisun parjanji amang sanle Nazareta gardan umrengentid.

Atiki Jisun Galilee gardaban hiretid, do ateng parjanji amanagban yiraiji. Aninji ateng asu bimbim maranji do irtu’hul mranji ado’ng urunglaji. Titti dajingti kardu maranji, kujjadung maranji, kalla maranji, ado’ng Jisun absamangetidji.

Bar okij janang, ateng hamkul maranji ado’ng Jisun amangban urunglaiji. Jisun kun kulmanji ado’ng aninji amang saring, a dungnabin asan bahetidji, do kulmanji dunglinaiji. Kun kulmanji uai sarrangan batti gule gamleji, “Aman na Kitungan a o’nan!” parjanji boi boi rubmang dagi delaji, do Kitungan ado’ng abgugulaji.

Atiki Jisun kun hanangna maranji amang saring mihgal mandranji ado’ng anin abangsa baranji abgijben asan sedae-tidji. Anin aninji ado’ng “Anappaimarji” gamle gudingetidji. kani anappai marji Jisun ampra endungleji do anin saring ateng birnan hanglinji.