11. Anelai Abduran

Israelanji adong aomdabin asan Kitungan Mojes do Aron adong Paron amangban appaietin. Aniji Paron ado’ng abkilkile gamleji bogad aman Israelanji adong adnumrenglenden Misorlingan mandranji do jontunji adiba ongger onanji kahidteji. Paron kan ati amdangetin janagden, anin kitungan amangban addirned do abmanied.

Ayingante amandranji Kitungan amang derlinji aninji a-deba 0-nanji a d’ong kitungan rabrabte. Dile si’gan aboi bangsa onger medan atuabbin deti.

Kitungan Israelanji a d’ong kun murkundan a mihaman asui pangle as’inglingananji kuddubd darannilingan antati jodba gamle gametin. Aninji kun ajelun balbin deti. Atiki aninji bayale jelun jumben dete, rutipun batti maile ajumben dete. Kan aganaga a- jumten atiki Misor dissan a-saddibin asan angtir dakunaba.

Israelanji Kitungan a- birnan ambrij kuddub lumleji. Tungar togalan, kitungan Misor desan sanle yirretin do kuddub a-diba o-nanji kaihdleji.

Kuddub Israelanji a si’ng lingan akuddub daranilingan mihaman a-janod dakuli, ansaring kitungan elaile yerretin. Alungan adakulin amandranji mehenglaji. Aninji kimmeddan amiham batii ranabraban delaji.

Bindo Misoranji Kitungan amang a-ddernedji orde a banai biran admaniedji. Anten asan kitungan aninji a-singbanji adnelaed. kitungan Misoranji akuddub adiba ongger onanji a d’ong kabhidetin.

Misor baiji akuddub ongger onanji kahidleji, krojjo si’ng maranji asurda o-nanji saring Paron adiba onan sikoija kahidleji. Ateng Misor baianji danukkan batti edalinji do sintalinji.

Anti a-togal, Paron Mojeson do Aron ad’ong gudingle gametinji, “Ambin Israelanji a d’ong baiyale Misor disan amdungle urrungbaji!” Misor baiji janag Israelanji ad’ong disalen umeng sadba gamleji.