44. Pheexiroosinna Yohaannisi Huucci’raancho Mancho Hursitu

Mitto barra Pheexiroosinna Yohaannisi Qullaawu Minira hadhu. Qullaawu Mini waalcho iillitanno woyite mitto woxe huucci’rannoha laanshaawa mancho affu.

Pheexiroosi konne laanshaawa mancho lae, <<Eemmohehu mittu woxi dinoe. Nooeha eemmohe. Yesuusi su’minni ka’e ha’rami!>> yiisi.

.

Hakkawoyintenni Maganu laanshshawa mancho hursisi; kae ha’ranna kubba, Maganono galaxxa hanafi. Qullaawu Mini hoowe giddoonni noo manni dhaggeeffati.

Mannu konne hurino mancho la”ara rahe gamba yii. Pheexiroosi, <<Kuni manchi hurino daafira dhaggeeffattinanni? Uminke wolqanni woy danchummankenni Dihursinoommosi. Mancho hursitinoti Yesuusi wolqaatinna isi aanno ammanaati.

Yesuusa shaanno gede Roomu gashshaanchira kultinoonniri ki’neeti. Heeshsho xintinoha shitinoonni; Maganu kayinni reyotenni kayisinosi. Assitinoonni coyi gara ikka hoogirono, Buuramino Moote qarra adhannonna reyanno gede kulloonni himani wo’manno gede ki’ne assitinoonni coyi doogo ikkino. Kunnira cubbi’ne hayishshamanno’ne gede aagintaabbine Maganunniwa higge!>> yiinsa.

Qullaawi Mini sooreeyye Pheexiroosinna Yohaannisi coyidhino coyinni lowo geeshsha hifatantu. Kunnira amadde usuru minira eessitunsa. Ikkollana lowo manni Pheexiroosi sokka ammanino. Yesuusa ammanino manni kiirono 5000 geeshsha ikkitu.

1. Layinki soodo, Ayihudete sooreeyye Pheexiroosinna Yohaannisi qeesootu Roorrichiwanna wolootu amma’note sooreeyyewa haadhe abbitunsa.

Pheexiroosinna Yohaannisi, <<Konne laanshaawa mancho mayi wolqanni hursitini?>> yite xa’mitunsa

Pheexiroosi, <<Kuni manchi Buuramino Mootenni Yesuusi wolqanni hure Albaa’neenni uurrino. Ki’ne Yesuusa suttinoonni; Maganu kayinni galagalche kayisinosi! Ki’ne diadhitinoonnisi; ikkollana Yesuusi wolqa ka’a gatote doogo wole dino!>> yee dawarinsa.

1. Pheexiroosinna Yohaannisi wo’ma giddonni coyidhino daafira tini sooreeyye

tini sooreeyye massino; kuni manni fullahinokkiha shaa”a manna ikkinota affino.

Ikkollana insa Yesuusi ledo heedhinore ikkitinota qaaggu. Pheexiroosinna

Yohaannisi waajjishiishshunsahu gedensaanni hadhara agurtunsa.