42. Yesuusi Gordo Ha’ri

Yesuusi reyotenni kai barra rosaanosi giddonni lamu mulensa noo katama

hadhanni no. Hadhanni heedhe, Yesuusi aana ikkino coyire hasaabbanni no. Iso

Buuramino Mooteeti yite hexxitino; hatto hedde heedheenna iso shinoonni.

Meentu kayinni xa, <<Reyotenni kaino>> yiino. Lamunku rosaano maricho

ammantannoro diaffino.

Yesuusi insawa gamba yee ledonsa ha’ri; insa kayinni dibuuxxinosi. Maricho

hasaabbanni nooro xa’minsa; insane sa’u barruwara Yesuusi aana ikkitino

dhagge baala kultusi. Yerusaalamete ikkinore afinokki wosinchi ledo hasaabbanni

nooha lawinonsa

Hakkunni gedensaanni Yesuusi, Buuramino Moote daafira Maganu qaali yiinore

xawise kulinsa. Buuramino Moote qarra adhannotanna shinannisita sayikki barra

kayinni ka”annota himanaano coyidhinore qaagiissinsa. Lamunku galtanno katama

iillitu yannara leeshshara leeshshi yee no.

Lamunku insa ledo galanno gede koyissusi; Isino maahoyye yii. Hurbaate ittara

qixxaabbanno yannara Yesuusi buddeena gotti asse Magano galati; hakkunni

gedensaanni hinkotenni qase aannonsa woyite konne mereeronni Yesuusa

ikkinota affu. Isi kayinni tenne giddo albinsanni shawwu yii.

Lamunku mannooti mimmitoho, <<Yesuusaati! Maganu qaale xawisannonke

woyite wodanu bukki bukki yaannonkehu hada kunniraati!>> yitu. Hakkawoyintenni

galagalte Yerusaalame higgu. Hakkiira iillite rosaanote, <<Yesuusi lubbotenni no!

La’noommo!>> yite kultunsa.

Rosaanosi hasaabbanni heedheenna, Yesuusi hedeweelcho insa noowa e”e

mereeronsa leelle, <<Keeru ki’ne ledo hee’ro!>> yiinsa. Rosaanote ayyaana

la’inoha lawinonsa; Yesuusi kayinni, <<Mayira waajjitinanni huluullantinanni?

anga’yanna lekka’ya la’e! Ayyaanu ane gede biso diafi’rino>> yiinsa. Ayyaana

ikkinokkita buuxisansara yee intannire uyitannosi gede xa’mino. Insane mitto du’rinshoonni qulxu’micho uyiteennasi haa’re iti.

Yesuusi, <<Maganu qaali giddo ane daafira borreessinoonniri baalu wo’ma

hasiissanno yee kuloommo’ne>> yii. Hatte yannara Maganu qaale wodanchitanno

gede wodana faninsa. <<Muse qarra adheemmota, reemmota, sayikki barra

reyotenni kaeemmota seedu diri albaanni borreessino>> yiinsa.

Qoleno Qullaawa Borro giddo cubbo agurrannisi gede mannu aagintaawa

hasiissannota rosaano kultanno gedeno borreessinoonni. Insa Yerusaalametenni

kayisse konne coye assitanno; hakkunni gedensaanni wo’mankawa noo gosa

baalanniwa hadhanno. Ki’ne konne coye farcidhinannireeti.

Shuyillawu barri aane noohu giddo Yesuusi haammata hige rosaanosira leellino.

Mitte hige 500 roorino mannira leellino. Lubbotenni noota baca doogonni

rosaanosira buuxisinonsa. Maganu gashshootireno rosiisinonsa.

Yesuusi rosaanosira, <<Roorre baala gordohonna baattote uyinoonnie. Kunnira,

hadhine manna baala Annu, Beettu, Qullaawu Ayyaaninni cuu’inanni

hajajoommo’nere baala agadhitanno gede rosiissinanninsa rosaano’ya assensa.

Gobbate qacce geeshsha ani ki’ne ledo noommota habbinoonte>> yiinsa.

Yesuusi reyotenni kaihunni shoyillawu barru gedensaanni, <<Qullaawu Ayyaani

dirreenna wolqa uddidhina geeshsha Yerusaalamete agarre>> yiinsa. Hakkunni

Gedensaanni Yesuusi fule gordo ha’ri. Albinsanni gomichu shawwu assisi.

Yesuusi kalaqama baala gashshate Maganu qiniiteenni ofolli.