24. यूहन्ना यीशु ला बपतिस्मा देसे |

एलिशिबा अखिन जकर्याह को टूरा यूहन्ना , मोठो होयसारी एक भविष्यद्वक्ता बन गएव | वह जंगल मा रव्हत होतो , अखिन जंगली शहेद अखिन टिड्डिहिन ला खात होतो ,अखिन ऊँट को बालहीन लक बनया कपड़ाहिन ला पेहरत होतो |

बहुत सा लोख यूहन्ना को बातहिन ला आयकन लाईक जंगल मा निकलाय | वन यव बोल सारी ऊनला प्रचार करिस , ‘ पश्चाताप करो , काहेकी स्वर्ग को राज्य जवर से ! ”

जब लोखाहिन न यूहन्ना को प्रचार ला आयकीन , त ऊनको मालक बहुताहिन न आपरो पापहहिन लक पश्चाताप करिन , अखिन यूहन्ना न ऊनला बपतिस्मा देईस | यूहन्ना ला देखन लाईक बहुत सा धार्मिक अगुवा भी आया, पर ऊन आपरो पापहिन लक पश्चाताप या अंगीकार नहीं करिन |

यूहन्ना न धार्मिक अगुवाहिन सिन कहीस की , “ अ जहेर वालो साँप ! पश्चाताप करो अखिन आपरो व्यवहार ला बदलो परमेश्वर पूरा वन झाड ला काटे जो साजरों फल नहीं आन , अखिन ऊ ऊनला इस्तों मा झोंक देहे | ” जो भविष्यद्वक्ताहिन न कहि होतीन यूहन्ना न ओला पुरो करिस , “ देख जलदीच मी तोरों सामुर आपरा संदेश वाहकहिन ला धाडु वय तोरों लाईक रस्ता ला तैयार करेत | ”

काई धार्मिक अगुवाहिन न यूहन्ना सिन पूछिन की का ऊ मसीह आय | यूहन्ना न जवाब देईस , “ मी मसीह नोव्हव , पर ऊ मोरो बाद मा आय राईसे | ऊ एतरों महान से की मी ओको जुताहिन को दोरीला खोलन को लाएक नाहाव | ”

दूसरों दिवस , यीशु बपतिस्मा लेन लाईक यूहन्ना को जवर आएव | जब यूहन्ना न ओला देखीस , त वन कहीस की , “ देखो ! परमेश्वर को मेमना जो संसार को पापहिन ला उठाय सारी लिजाए | ”

यूहन्ना न यीशु सिन कहीस , “ मी तोला बपतिस्मा देन को लाएक नाहाव | बजाए एको आवश्यक से की तू मोला बपतिस्मा दे | ” पर यीशु न कहीस की , तोला मोला बपतिस्मा देनों से , काहेकी करण लाईक सही काम यव से | ” अधिक यूहन्ना न ओला बपतिस्मा देईस, जब की यीशु न कभी पाप नहीं करिहोतीस |

बपतिस्मा देन को बाद मा जब यीशु पानी लक निकल सारी बाहेर आएव , त परमेश्वर को आत्मा कबूतर को रूप मा प्रकट भएव अखिन खालतिया आय सारी ओको पर रुक गाएव | वन समय मा , परमेश्वर न स्वर्ग लक बात करिस | वन कहीस की , तू मोरो टूरा आस | मी तोरों लक प्रेम करूसु, अखिन मी तोरों लक बहुत खुश सेव | ”

परमेश्वर न यूहन्ना सिन कही होतीस , “ पवित्र आत्मा खालत्या आय सारी कोई पर रुक जाए जेला तू बपतिस्मा देजों | ” ऊच परमेश्वर को टूरा आय परमेश्वर एकच से | पर जब यूहन्ना न यीशु ला बपतिस्मा देईस , त वन परमेश्वर बापल बात करता आएकिस , टूरा न परमेश्वर ला देखीस , जो की ऊ यीशु से , अखिन वन पवित्र आत्मा ला देखीस |