21. ካኣቱሞም ዶኦሚንቴሢ (ሜሲሄ) ሙካንዳያ ማዒፆ ፆኦሲ ኬኤዜሢ

ፆኦሲ ሃጊ ዓይፆይዳ ካኣቱሞም ዶኦሞናሢ (ሜሲሄ) ዓጮ ዳካኒ ማሌኔ። ቤርታሲ ፆኦሲ ሃጊ ማዓ ዎዛ ማሂ ዬያ ዛሎ ኬኤዜሢ ዓዳኣሜና ሂዋኣኖናምኬ፤ ዔያቶ ዻቢሼ ሾኦዣሢኮ ቶኦኮ ዳኣፃንዳሢ ሂዋኣኖ ዜርፃሢ ማዒፆ ሃጋኣ ዎዛ ማሂ ፆኦሲ ኬኤዜኔ። ዬይ ሃጊ ማዓ ዎዛ ዒንጊንቴ ጎይፆና ሜሲሄ (ኪሪስቶሴ) ፃላሄ ጋፒንሢ ባሻኔ ጌይሢኬ።

ዬያ ሂዋኣኖ ዜርፃሢ ዛሎና ዓጪ ዴሬ ቢያ ዓንጆ ዴንቃንዳሢ ፆኦሲ ዓብራሃሜም ጫኣቂ ኬኤዜኔ። ዬይ ዓንጃ ሃጊ ካኣቱሞም ዶኦሞናሢ (ኪሪስቶሴ) ሙካኣና ኩማያኬ። ዒዚ ዓጪዳ ዓኣ ዴሬ ቶኦኪፓ ቢያ ዺቢ ዓሲ ዻቂሻንዳኔ።

ዬያጉዲ ሙሴማኣ ፆኦሲ ዒዛጉዴ ፆኦሲ ማሊሢ ኬኤዛ ዓሲ ኬስካንዳሢ ጫኣቂ ኬኤዜኔ። ዬይያ ሃጊ ሙካንዳ ካኣቱሞም ዶኦሞናሢ ዛሎ ኬኤዚንቴያኬ።

ዒዛ ዜርፃፓ ፔቴ ፆኦሲ ዴሮኮ ናንጊና ካኣቲ ማዒ ዎይሢ ናንጋንዳሢ ፆኦሲ ዳውቴማኣ ጫኣቄኔ። ዬይ ካኣቱሞም ዶኦሞናሢ (ኪሪስቶሴ) ዳውቴ ዜርፃፓ ማዒፆ ዻዋኔ።

ፆኦሲ ዓኪ ጫኣቁሞ ዴሮና ጫኣቃንዳሢ ፆኦሲ ማሊፆ ኬኤዛ ዔርሚያሴ ዛሎና ጉሙርሲ ኬኤዜኔ፤ ዬይ ጫኣቁማ ፆኦሲ ሲና ዹኮይዳ ዒስራዔኤሌ ዴሮና ዎላ ጫኣቄሢጉዲቱዋሴ። ዬያ ዓኮ ጫኣቁሞና ፆኦሲ ፔ ዎጎ ፔ ዴሮ ዒና ፃኣፓንዳኔ፤ ዴራ ቶኦካ ቶኦካ ዒዛ ዔራንዳኔ፤ ዒዛ ዴሬያኣ ማዓንዳኔ፤ ዒዚያ ዔያቶኮ ጎሞ ዓቶም ጋዓንዳኔ። ዬይ ካኣቱሞም ዶኦሞናሢ ዓኮ ጫኣቁሞ ዓርቃሢ ማዓንዳኔ።

ፆኦሲ ማሊፆ ኬኤዛ ዓሳኣ ዬይ ካኣቱሞም ዶኦሞናሢ (ሜሲሄ) ፆኦሲ ማሊሢ ኬኤዛያ፥ ቄኤሴ፥ ሃሣ ካኣቲያ ማዓንዳኔ ጌዔኔ። ፆኦሲ ማሊሢ ኬኤዛያ ጌይፃ ፆኦሲ ጋዓ ባኮ ዋይዚ ዔኪ ዴሮም ኬኤዛያ ጌይሢኬ። ፆኦሲ ዳካኒ ማሌ ዒዛ ማሊፆ ኬኤዛሢ ፓጬ ባኣዚባኣ፥ ኩሙሢ ማዔያኬ።

ዒስራዔኤሌ ዴሮኮ ቄኤሳ ፔ ጎሞ ዛሎንታ ዓሶ ጎሞ ዛሎዋ ፆኦሲም ዒንጎ ባኮ ዔኪ ሺኢሻኔ። ሃሣ ዬይ ቄኤሳ ዴሮ ዛሎዋ ፆኦሲ ሺኢቃኔ። ዬይ ካኣቱሞም ዶኦሞናሢ (ኪሪስቶሴ) ፓጬ ባኣዚባኣ፥ ኩሙሢ ዒንጊሢ ማሂ ፔና ፆኦሲም ዔኪ ሺኢሻያ ቄኤሶኮ ቢያ ዑሢኬ።

ዴሬኮ ካኣቲ ፔ ዓጮይዳ ዓኣ ዓሶም ዎጊ ዎይሣ ዓሲኬ። ዬይ ካኣቱሞም ዶኦሞናሢ ጋዓንቴ ቤርታዺ ዳውቴኮ ካኣቱሞ ዖይቶይዳ ዴዓያ፥ ፓጬ ባኣዚባኣ ካኣቲ ማዓንዳኔ። ዬያ ሌሊቱዋንቴ ዓጪ ቢያ ናንጊና ዎይሣ ካኣቲ ማዓኔ፤ ዬያጉዲ ቢያ ዎዴ ጌኤሺ ዒኔና ፒዜ ዎጌ ዎጋያ ማዓንዳኔ።

ፆኦሲ ማሊፆ ኬኤዛ ዓሳ ዬያ ካኣቱሞም ዶኦሞናሢ ዛሎ ሜሌ ሚርጌ ባኣዚ ቤርታሲ ኬኤዜኔ። ፆኦሲ ማሊፆ ኬኤዛ ሚልኪያሴ ዬይ ካኣቱሞም ዶኦሞናሢ ሙካንዳሢኮ ቤርታ ፆኦሲ ማሊሢ ኬኤዛ ዼኤፒ ዓሲ ኬስካንዳሢ ኬኤዜኔ። ዬያ ካኣቱሞም ዶኦሞናሢ ፔቴ ኩሙሢ ዉዱሮ ናይ ሾዓንዳሢያ ፆኦሲ ማሊፆ ኬኤዛ ዒሲያሴ ኬኤዜኔ። ፆኦሲ ማሊፆ ኬኤዛ ሚኪያሴ ዬይ ካኣቱሞም ዶኦሞናሢ ቤኤቴሌሄሜ ካታማ ሾይንታንዳሢያኣ ኬኤዜኔ።

ፆኦሲ ማሊፆ ኬኤዛ ዓሳ ዬያ ካኣቱሞም ዶኦሞናሢ ዛሎ ሜሌ ሚርጌ ባኣዚ ቤርታሲ ኬኤዜኔ። ፆኦሲ ማሊፆ ኬኤዛ ሚልኪያሴ ዬይ ካኣቱሞም ዶኦሞናሢ ሙካንዳሢኮ ቤርታ ፆኦሲ ማሊሢ ኬኤዛ ዼኤፒ ዓሲ ኬስካንዳሢ ኬኤዜኔ። ዬያ ካኣቱሞም ዶኦሞናሢ ፔቴ ኩሙሢ ዉዱሮ ናይ ሾዓንዳሢያ ፆኦሲ ማሊፆ ኬኤዛ ዒሲያሴ ኬኤዜኔ። ፆኦሲ ማሊፆ ኬኤዛ ሚኪያሴ ዬይ ካኣቱሞም ዶኦሞናሢ ቤኤቴሌሄሜ ካታማ ሾይንታንዳሢያኣ ኬኤዜኔ።

ጊንሣ ሃሣ ፆኦሲ ማሊፆ ኬኤዛ ዒሲያሴ ዬይ ካኣቱሞም ዶኦሞናሢ ዻቤ ባኣዚ ባኣንቴ ዒፂንታንዳሢንታ ማኪሢ ሃይሴያ ዒዛ ሄላንዳሢ ኬኤዜኔ። ዬያጉዲ ሃንጎ ፆኦሲ ማሊፆ ኬኤዛ ዓሳኣ ዬያ ካኣቱሞም ዶኦሞናሢ ዎዺ፥ ዒዛኮ ዓፒሎ ዔካኒ ዎሊም ዓሳ ዒፃ ዓጋንዳሢንታ ዒዛኮ ላጌ ማዔሢያ “ታ ዒዛ ዔሩዋሴ” ጋዓንዳሢ ዛሎዋ ኬኤዜኔ። ፆኦሲ ማሊፆ ኬኤዛ ዛካሪያሴ ዬያ ካኣቱሞም ዶኦሞናሢኮ ላጌታዖ ዓኣሢ ዒንጋንዳሢም ሃይሢታሚ ቢራ ጪጊንታንዳሢ ዛሎዋ ኬኤዜኔ።

ፆኦሲ ማሊፆ ኬኤዛ ዒሲያሴ ዬያ ካኣቱሞም ዶኦሞናሢኮ ሃይቦ ዛሎዋ ኬኤዜኔ። ዓሳ ዬያ ካኣቱሞም ዶኦሞናሢዳ ጩታንዳሢ፥ ሚኢጪ ዒዛ ዓማላንዳሢ፥ ጳዺያ ጳርቃንዳሢ ዛሎ ኬኤዜኔ። ዎዚ ዒዚ ማዼ ዻቢንቲ ባኣቴያ ዓሳ ዒዛ ጫርጊ ዎዻንዳሢና ዑፆ ዒዛኮ ሃርጊሼም ሚርጌ ሜቶና ዒ ሃይቃንዳሢያ ኬኤዜኔ።

ዬያጉዲ ፆኦሲ ማሊፆ ኬኤዛ ዓሳ ጎሜ ዒዛኮ ባኣ ጌኤሺ ዓሲ ማዓንዳሢ ዛሎዋ ኬኤዜኔ። ሜሌ ዓሶኮ ጎሞ ጌኤሻኒ ዒዚ ሃይቃኔ። ዬያ ካኣቱሞም ዶኦሞናሢኮ ዬያይዲ ሜታዺ ሃይቂፃ ፆኦሲና ዓሲና ዎላ ጊኢጊሺ ኮሹሞ ዔኪ ዬዓኔ። ዬያ ካኣቱሞም ዶኦሞናሢኮ ዬያይዲ ሜታዺፃ ፆኦሲ ጌዔም ማዺንታያኬ።

ዬይ ካኣቱሞም ዶኦሞናሢ ሃይቃንዳሢንታ ፆኦሲያ ሃይባፓ ዒዛ ዔቂሳንዳሢ ፆኦሲ ማሊፆ ኬኤዛ ዓሳ ቤርታዺ ኬኤዜኔ። ፆኦሲ ዬያ ካኣቱሞም ዶኦሞናሢኮ ሃይቦና ሃይባፓ ዔቂፆ ዛሎና ጎሞ ዓሶ ዒ ዻቂሻኒ ማሌ ማሊፆ ኩንሢ ዓኮ ጫኣቁሞ ዓርቃኔ።

ፆኦሲ ዒዛ ማሊፆ ኬኤዛ ዓሶም ዬያ ካኣቱሞም ዶኦሞናሢ ዛሎ ሚርጌ ባኣዚ ፔጋሲ ዻዌኔ፤ ጋዓንቴ ዬይ ካኣቱሞም ዶኦሞናሢ ዬያቶ ፆኦሲ ማሊፆ ኬኤዛ ዓሶ ዎዶና ሃያ ዓጮ ሙኪባኣሴ። ዬይ ፆኦሲ ማሊፃ ኬኤዚንቴንቴ ዖይዶ ፄኤታ ሌዔኮ ጊንፃ፥ ዬይ ፆኦሲ ማሊፆ ኬኤዜ ዓሳ ጌዔ ዎዶማ ካፒ ፆኦሲ ዬያ ካኣቱሞም ዶኦሞናሢ ሃያ ዓጮ ዳኬኔ።