6. भगवान इसहक अंटिन जिखे
मेटे अब्रहाम सानाएन डान । डो डिजा कोन इसहाक खाडजेन मेटे अब्रहाम डिजा मिया भगियाखे जो जागान डिजा किबलाकु पेडालक्केन डान । डिजा कोन इसहाक घल्या मिया जपाय आसि ओलेन ।
घोनोज दिना बादोन अब्रहाम किबला कु पेडा लक्केन जगान डेन भगवान अब्रहाम गा भगिया टेन रिबीका मेँटोन मिया बाइ खे मिलाटिँजखेनेज । डि बाइ अब्रहामा डाइ टेगा कुरार टे डान ।
मेटे रिबीका डिजा कुटुम्बो खे आरा घल्या तयार हेएन डो डि भगिया सेँगोन ओलेन । डि आदिरेन लाका इसहाक डिजा सेँगोन बियाव डाये।
मिया खाड टेंमो बादोन, अब्राहाम गोएन डो भगवाना गा सेबेए वादा डिजा टेन डिजा कोन इसहाक मेरान औलेन डान । भगवान अब्राहाम खे गिनती हेबा डाउ खिजा पिडी आरुएबा मेंटोन मांडिकेन डान । फिनी इसहाक गा जपाय रिबीका मेरान मिया बी कोन हेबु डान ।
इसहाक रिबीका घल्या प्राथना डाखे डो भगवान डिजा प्राथना आजुमखे डो जुडवा कोनकिँज खे लाजेन जीलेकीँज । डि बारी चाफनीकीँज रिबीका लाजा तालान हुँजू लक्के डान । मेटे रिबीका भगवान खे कोँबाराखे कि इँडी चोज डाउ लाक्केन ।
भगवान रिबीका खे मेनान आमा लाजाटे आमा बारी कोनकीजँ मिया दुसरा टेन झगडाबा डो खाड कोन सनी कोना गा सेबा डाएबा ।
मेटे रिबीका चफीनीकिंज खे जनम डाएन डि खाड कोनटे राटा डो हुप टेन बल्लान ओडजेन । डो डिकु डिजखे एसव मेँटोन जिमु डोखे । मेटे सनी कोनटे एसव गा नाँगा गा कुरचु उठा टेन बल्लान ओडजेन डो डिकु डिजखे याकुब मेँटोन जिमु डोखे ।
इनि बाइबला टेन उत:24:1-25:26
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।