5. वादा गा कोनटे

गेल साल डाएना बादोन अब्राहाम डो सारे कनान देसोन आदिरेन । डि टेमो टाएन मिया कोनटे बी हेबु डान । मेटे अब्राहम जपाए टे सारे खे मेनान नाका आयटाएन भगवान इँज खे मिया बी कोन जी डुन का बान। नाका इंज एठा सानिएन की कोनकु डाउगा बी लायेक बाने । डो एनेन इँया मिया भागिनी हागार टाखा नेज आम डिजा सेंगोन बियाव डाए डो इँया घल्या मिया कोनखे पेडाज ।

मेटे अब्रहाम हागारा सेंगोन बियाव डाएन , हागार खे मिया कोन डाएन । डो अब्राहाम डिज खे इसमाएल मेंटोन जिमु डोखे। फिनी साराइ हागारा लिएन जलन डान । मेटे इसमाएल तेरा साला डाएन , डो भगवान अब्राहाम खे एठा मेनान ।

भगवान मेनान, “ इँज का खाड सत्तो भगवान टाखा । इँज अमा सेँगोन मिया कानुन आरुबा मेटे अब्राहम इटान नाँगा सबजे । भगवान एठा अब्राहम खे मेनान आम घोनोज जाटो कोटुम्बो गा आबा आरुबा । इँज आम खे डो आमा पिडीकु खे कनान देसो जेबा डो इँज का डिकुगा जेनोमा गा भगवान आरुबा । आम आमा कुटुम्बो गा सेबेए कोरो जाटोगा कत्ना डडाबा ।

आमा जपाय साराइ खे मिया कोन डाउबा , डिज वादा गा कोन आरुबा । डिजा जिमु इसहाक मेंटोन डोकि ।इंज डिजा सेंगोन इंया कानुन आरुबा । डो डिज मिया खाड जातो आरुएबा । इंज इसमाएल खे बी मिया खाड जातो आरुएबा , फिनी इंया कानुन इसहाक सेंगोन का थाडबा ” । मेटे भगवान अब्रम जिमु अब्राहाम मेंटोन बदलाटिंजखे , डि गा मतलब घोनोज कु गा आबा ” । भगवान साराइ जिमु बी बदलाटिंज खे डो सारा डोखे । डि गा मतलब “रानी ” ।

डि दिन अब्रहाम डिजा कुटु्म्बोकु गा सेबेए कोरो जाटो गा कत्ना डाखे डान । मेटे मिया साला बादोन अब्रहाम मिया सड्डी साल गा डाहेन डान डो डिजा जपाए सारे नब्बे साला डान । मेटे सारे अब्रहाम गा मिया कोन खे जनम जिखे डान डिफिर का भगवान डिकिँज खे माँडी खे डान कि डिफीन का डिकीँज डिजा जिमु इसहाक डोखे ।

मेटे इसहाक जवान आरुएन , भगवान अब्राहाम गा इमान खे पपरखाटिंज घल्या मेनान ,“ आमा मिया का कोन खे उठा टे ईया अंटिन भेटो पेपडेज साया ” । एठा अब्राहाम भगवाना गा मांडी खे ममनाटिंज अंटिन बेटो खे तीयारखेनेज ।

अब्रहाम डो इसहाक भेटो पेपेडेज जागान सेने टेँमोन इसहाक कोकोँबारा लज्जेन डिजा बाटे खे कि आबा आपला मेरान भेटो पेपेडेजा घल्या चाखान टाखा फिनी मेँडा टुगाँनेज ? अब्रहाम मेनान ए इँया कोन भेटो पेपेडेजा घल्या भगवान हेजा हेजका जेबा ।

मेटे डिकींज भेटो पेपेडेजा जागान आदीरेन लाका , अब्राहाम डिजा कोन इसहाक खे टोलखेनेज डो वेदी लिएन आडाटेन गिटीजकेनेज , डिज डिजा कोन खे गोगोजा टेंमोन भगवान मेनान,” चोचका बी हमला बाकी डि पोरया लिएन ! नाका इंज चिनाएन की आम इंज खे चोटो हिगराबा चोजाकी आम आमा मिया कोन खे बी हेबा डोडो लज्जेन ”।

जिरीसा लांकान अब्राहाम मिया मेंडा खे झाडी तालान बाकेन तेन डो’एनेज । भगवान डि मेंडा खे जिखे नेज डान डो डिज कोन गा बदलान डिज मेंडा खे आरिटेन भेटो पेडेज खेनेज ।

मेटे भगवान अब्रहाम खे मेनान कि आम सेबेए चिजो जिउ घल्या तीयार का एटो का बान आमा मिया का कोन खे बी जिउ घल्या तेयार डान , इंज आमखे आसिरवाद जेबा कि आमा गा पिडीकु वादडा गा इफिलकु टे बी जाय्दा आरुएबा ।चोजाकि आम इंया हुकुम खे मनाटिंज खे । नाका आमा कुटिम्बो टे दुनिया गा सेबेए कुटुम्बोकु खे आसिरवाद घाटोउबा।”