23 यीसु का जनम
मरियम गा सगाइ यीसुफ मेँटोन मिया घिरोमी कोरो सेँगोन डान । मेटे डिजेन मालुम बोचोएन की मरियम लाज हेएन मेँटोन डिज मरियम खे कोरकु सम्मा बुरा हेजे का बदला उकु टेन डिज खे आराखेनेज का विचार डान । डिजेन हेडेएन की इनी चफनि डिजा का बोउ डो डिज मरियम खे कोरकु सम्मा बुरा हेबा ससा लज्जेन डान । मेटे डिज मरियम खे उकु टेन आरा का विचार डान । इनी डिज डडा सुटु आगासो भगिया यीसुफ मेरान हेएन डो सपना टेन माँडि लज्जेन ।
आगासो भगिया मेनान ,” यीसुफ मरियम खे आमा जपाय खिजा कुबुल का हिगरा बाकी । डि चफनी मरियम लाज तालान टाखा डिज चोखा रावन कोनाटेन का । डिज मिया कोनटे खे जनम जेबा , डिजा जिमु यीसु मेँटोन डोखे । (डि का मतलब यहुवा बबचाटिँजबा ) , चोजाकि डिज कोरकु गा आनुवा गुनुवा टेन डिकु खे बबचाटिँज बा ”।
मेटे यीसुफ मरियम खे वियाब डाखे डो डिज खे हेजा उरान सावेन । फिनी मरियम कोनटे रिताउ टाएन यीसुफ डिजा मेरान हेबा गिटिकेन डान ।
नाका मरियम कोनटे खे रिताउ वेकोतोन रोमि सरकार सेबेए कोरकु खे हुकुमो जिले की टुँगन डिकुगा आजा बाबाकु पेडा लज्जेन डेएन का डिकुगा जिमु ओल होना मेँटोन । यीसुफ डो मरियम मिया खाड लम्बा यात्रा सेसेँद्रा बोचोएन डान जेय्सा डिकु नाजेरेत टे बेतेलेहेम चालकेन चोजाकि डिकु गा आजा बाबा दाउद डान जे की बेतेलेहेम सेएरेन का डान ।
मेटे डिकु बेतेलेहेम आदिरेन लाका डिकु घल्या पेडा गा जागा हेबु डान । मिया का जागा डिकीँन घाटाएन डि जागा जनवरकु पेडा लज्जेन डान । डि चफनि डेेन जनम डाएन डो डिजा आँटे डिज खे मिया लिजा टेन उगुर टेन डोखे डान । चोजाकि डिकीँया घल्या मिया पारकोम बी हेबु डान । डिकु डिज खे यीसु मेँटोन जिमु डोखे ।
डि राटो , मेँडा चाचारा मिनकु डोँगरेन डिकु गा मेँडाकु खे चाचारा लक्केन डान । अचानक मिया उजाला आगासो भगिया डिकुखे टिपिखेमि डो डिकु बेभाउ हिग्राएन । मेटे आगासो भगिया मेनान , “ आपे हिगरा बाकी , चोजाकि आपे घल्या इँज मिया आवल माँडि सालेनेज । मसिह , जे की गुरु टाखा , बेतेलेहेम सेएरेन पेडाएन ।
सेने चेफनी खे घगाटे डो आपे मिया लिजा टेन उगुर का मिया झला लिएन गिटिग घटाउबा । अचानाक बादडा लिएन आगासो भगिया टेन भगवान गा बडाइ भरटिएन डान । " आगासोन भगवाना गा बडाइ डाउ डो ओटे लिएन डिजा कोरकु खे साँति थाडे ।”
मेटे चाचारा मिनकु तुरुतो का आदिरेन लाका डो' एन जेय्सा डिकु आजोम खेनेज डान की यीसु मिया लिजा टेन उगुर टेन मिया झोला लिएन गिटिगकेन डान । डिकु बेभाउ भगवान गा बडाइ डाखे डो मरियम बी खोब आरिएन । चाचारा मिनकु इराएन टुँगन डिकु गिटिखेनेज डान , डो भगवान गा बडाइ लज्जेन डि सेबेए डिकु डो' एन डो आजोमखेनेज डान ।
थोडा टेँमोन बादोन , पँडित अक्कल मिनकु खड ढिली देसो टेन बादडा लिेन मिया अचम्बो का इफिल डो'एनेज । डो डिकु सासामजाटिएन की युउदि गा मिया उनी राजा पेडाएन मेँटोन । मेटे डिकु मिया खाड लम्बा कोरा टेन इनी राजा खे मिलाटिँजेन हेएन डान । डिकु बेतेलेहेम हेएन टुँगोन यीसु डो डिजा आयुम्बा पेडालक्केन डान डि जागा घटाएन ।
मेटे पँडित अक्कल मिनकु यीसु खे डिजा आँटे सेँगोन डो' टेन , डिकु डिजा नाँगा सावेन डो बडाइ डावेन । डिकु यीसु खे आच्चा मोला का भेटो जिखे डान । मेटे डिकु आपला उरान इराएन ।
इनी बाइबल का आना मत्ति1; लुका 2
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।