25. Sheexaano Yesuusin Pphiree Beego

Yesuusi bi afaalleetoye gubb bekkech, Yaafe Ayaano biin barahooch daammiye, aroochaanoo aabbe areddoonaa aabbe xumoonon coommiye. Aroochee Sheexaanoo Yesuusi waan waa'i axaaxoon bi shuunemmon pphirehe.

“Yeerichi Bushoo ne gaata, hini xaqqeena'on koshon tunebote! gete!”i'i Sheexaanoo Yesuusin pphirehe.

Yesuusiyoo, “Asho Yeerichi noonoochee kechii beeti qaaro bullinani, kosho ikkeetona beetaachemmone getaa Yaafe Macaafooch kooreetone”i'i wochiye.

Aroochee Sheexaanoo Yesuusin Yaafe Kechi cillooch daamii'i, “Yeeri neen boonoshi quyemmoyich bi maraakeena'on ne waan deejjemmone; ne baatoonona xaqqo bi yexaachemmoyich, boonoshi kishoona neen tiijjemmina'one getaa Yaafe Macaafooch kooreetone. Ebich Yeerichi Bushoo ne gaata, eke, hiniichee dugulla awureeree kindibe!” iye.

Tunebaani Yesuusi, Yeeri qaarooche kaacci getona Sheexaanooch “Hini Sheexaanoocho! Ta aafoochee wohe! Ne Doono Yeerich goyinnebe! Bi ikkeetoyich baach maddebe! getaa Yaafe Macaafooch kooreetone”i'i wochiye.

Aroochee sheexaano Yesuusich “showee toommooch beeti aageteena'o bullinaa boonoshi oogee yiiroonon bekkii'i, taach yitta'a ne goyinne gaata, eboshi bullin neech immemmo taane” iye.

Yesuusiyoo, “Hini Sheexaanoocho! Ta aafoochee wohe! Ne Doono Yeerich goyinnebe! Bi ikkeetoyich baach maddebe! getaa Yaafe Macaafooch kooreetone” iye.

Yesuusi Sheexaanoochi pphiroyich womeeyaanone, ebich Sheexaanoo giisheche wottoyich Yesuusin qajjii hammiye. Arooye gubb maraakeena'o waa'i Yesuusich maddeheete.