50. ዬሱሲ ማቂሬ

ናምኢ ሙኩላ ላይ ማቃምፔን ሳዝ ኤሻ ጋልዳ ዎ ዎይልን ኣሳን ማሳ ጎይ ዬሱሲ ሶላዚን ኮሽ ሶልን ሲስኪሙታ ጋምኢዴ ጌሻ ኬን ዲጪሙታ ጋምኢኔ ዬሱሲ ላይ ዉርስ ጋልዳ ፎቲንቲዝ ማይጺዝ ታስፋ ኢምኔ ኢብርቲ ማቃካይካሬ ሜላ ኣቲን ፌ ኢምኖ ታፊን ናግሬ።

ዬሱሳ ማይጻንዳብ ናጊሙታ ዶኣምባራ ጾሲ ጌሽ ማቂኖ ጎይ ባራ ኢያ ቦንሽዝ ጎይ ዶኣምፔን ኮይሬማ ፌ ካቲቲን ጎይ ሜላንቦ ሶላምፔን ኮይሬ ዬሱሲ ሳዛ ጋልዳ ዶኢኖ ኬልባራ «ኢ ታማራን ጾሳ ካቲቲ ጎይ ሶላዝን ኮሽ ሶልን ሳዝ ኤሻ ዎይ ቤስ ዎ ኣሳንቦ ሶልሬ ዪን ኬልምባራ ዉርስን ላይን ዬላሬ» ጌይዴ

ዎይልን ዎርዣ ዳባን ዓታር ዬሱሳ ጎይን ሲሲካዬ ዬሱሲ ፉዳ ኣፋ ማቃዝንፖ ቲን ኮሽ ሶልን ዉርሲ ሲሲካካዮንቦ ኣሳንቦ ሶላምፔን ኣማንኖንቦ ሶልዴ «ሉካር ዎርዣ ዳባን ዎይ ኢታማር ማህብቴ» «ካ ዬልኔ» ጌይዴ።

ማ ዬሱሲ «ኣሽካሮ ፌ ላፖ ሽባሴ ኪን ዓኒ ሳዚን ጋልዳ ኢታ ኣያናን ታና ኢጺኖንዲፌን ቴ ጊሻቦ ይንታ ብጻ ቤይስሙታ ዎሬ ኣባካር ማቂን ሜላ ኣቲን ዓን ሳዚን ጋልዳ ሜታ ኤኪናካሬ ኣባክ ባዬ ኣባጌይን ታኒ ዓና ሳዝን ኣቂስዝ ሴጣና ጋምኔ ዪንቲ ቴ ባር ኣማናር ዉርስን ዬላር ሚጚንኮ ዪን ኬልምባራ ጾሲ ፋሬ።

ዬሱሲ ሳዝን ዉርስን ዬላዝምባራ ኣሳን ጋልዳ ዬልዝ ባዛን ብላር ሶላንዳቦ ፌ ታማራንቦ ፔቲ ታርካ ሶልዴ ፔቲ ኣስ ፌ ዎት ጋዳን ጋርታ ኮሽ ዜርን ዜርቂዴ ቃም ኢ ሱርቂን ኢ ጻላታ ዬሪ ዜርቂን ጋልዳ ሃ /ማታ/ዜር ዜርቃሪ ሉኪዴ።

«ዜርቂቲኖ ዜርቂንዳ ፉዲኖ ኬልባራ ናሳ ኣሽካራን ኢኮ ጎዳዶ ኔን ሴካንዳ ኔጋዲን ጋርታ ኮሽ ዜር ዜርቃዴ ዓት ዪዲኮ ኢዝ ጋርታ ኣብዛብያ ሆ ዎይዲፕ ዬዬ? ጋር ኦይጪዴ ላዳሪ ዪ ዜርቂኖ ጻላታ ማቃንዳብ ዳንዳኢሬ» ጋር ማሂዴ።

«ኢ ኣሽካራን ፌ ላኮ ኑ ሂን ሃኔ? ጋር ማሂዴ ላዲ ኢንታኮ «ዋኣኬ ዪኖ ዪንቲ ዎቲጌንዶ ዜርቂንዳሬ ሚዲንታሬ ዪኮታቦ ካን ካጻራ ዬል ጌይንዶ ቡርኢን ሽሻር ሚችብቴ ዜርቂንዶ ታብ ዲኢ ጋርታ ሚሽብቴ።

ኢ ታማራን ኢ ሶልኖ ታርኪን ብርሽችን ኢንታብ ጌላካዬ ይኮታቦ ኢንታብ ባርቻር ሶላምፔን ዬሱሳ ኦይጪዴ ዬሱሲ ኢታኮ «ኮሽ ዜርን ዜርቂኖ ናሳዲ ማሳ ቤስን ማቂሬ ዎቲን ጋዲዳ ዓና ኣላሚን ቤስ ማቃሬ ኮሽ ዜርንዳ ጾሳ ካቲቲን ጋርቶ ኣሳን ማቂሬ።

«ቡርኢንዳ ኢታ ኮቻን ማቂኖ ኣሳን ማይጻሬ ቡርኢን ዜርቂኖ ጻላታዲ ዳብሎሳ / ኢታ ኣያና ማይጺሬ። ካ ጋዚንዳ ዓና ሳዝን ዉርስን ማይጻሬ ቴይስዛን ጾሳ ኪታንቻ ማይጺሬ።

ዓና ሳዚን ዉርሲን ጋልዳ ኪታንቻ ዳብሎሳቦ ዳባ ማቂኖ ኣሳን ዎይ ዎልኣ ፔታን ሺሻር ፖልፖልኢ ኤይቲዝ ታማ ጋራት ሚሺሬ ኢና ዎይሲሬ ጴች ዋይዝ ቢጻ ቤቂ ኣች ሙይሬ። ዪና ኢዝ ኬልምባር ጺላን ፌ ባባ ካቲቲ ጋርታ ኣዋ ኣፍፌን ?

ማ ዬሱሲ ኪን ዓና ሳዝ ኤሺን ኢዝ ፎቲን ዬላዚምፖ ቲን ሳዛ ጋልዳ ማቃዚን ሶልዴ ፌ ሉኪኖንዲፌኒ ማቃር ዬይሬ። ይዳሬ ቤቂን ቤንቲዛ ጋሊ ዴኢሬ ኣፎ ሻራባር ዬይሬ። ዬሱሲ ማቂ ዬዚምባራ ኣማንኖ ዓይቂኖ ኣሳን ዓይቃ ጋርታፖ ዲንዳሪ ኣፋ ዎልኣ ዬልሬ።

ዪና ኢዝ ኬልምባራ ብርቲ ሼምፓባር ዎ ኣማንዝ ኣሳን ፉዳ ኣፋ ዲን ኤኪንቲሬ ኢናፖ ዓይቃ ጋራትፖ ዲዲኖንባራ ቡሽንቲሬ። ኢና ዎይን ዬሱሳ ባራ ማቃር ኢናፖ ዎሃ ዬሱሲ ዎርዣባራ ፎቲ ማቂኖ ሳርቲ ፔቲቲ ሜናብ ዶኢሬ።

ዬሱሲ ኢባር ኣማንዛንቦ ዎይ ቦንች ባርኔጻ ኢማንዳብ ታስፋ ኢምኔ ኢንቲ ፎቲ ማቂኖ ሳርቲ ጾሳባራ ሜናብ ዶኢሬ ካዉቲሬ።

ዎቲናካሬ ጾሲ ዬሱሳ ባር ኣማንባሶን ዎይን ጋልዳ ፋራዲሬ። ኢንቲ ሜናብ ዬኪዚ ቤስኬ ቢጻ ቤቂ ኣች ሙይንቲዝ ቤስ ስኦላ ዶቺ ጋርታ ቶጚሬ። ዉርስ ቴይቂ ባሶ ታማ ጋርታ ቶጚሬ ዎይ ጋላስ ሚጪንቲ ዶኢሬ ጉጺንንሳር ኢንታ ሞዚን ዉርስ ኣሽባሴ።

ዬሱሲ ማቂ ዬዚምባራ ሴጣናኬ ኢ ካቲቲ ዎይ ይስሬ ሴጣናዲኬ ጾሳቦ ኪቲንቲዝንፖ ሺ ኢዎሂን ዬንዳብ ኮይዛንር ዎይን ሜናብ ሚጪዝ ሲኦላ ጋርታ ቲጚሬ።

ኣዳሚኬ ሄዋንኬ ጾሳቦ ኪቲንታካዮ ኮታብኬ ናጋር ዓኒ ሳዚን ጋልዳ ኤሄይኖ ኮታቦ ጾሲ ዓን ሳዝን ባዲዴ ኢዛ ይሳንዳቦ ቆፒዴ ዎቲናካሬ ፔቲ ጋላስ ጾሳዲ ፖቲ ማቂኖ ኦራ ኣፎ ሳዚኬ ኦራ ሳዶ ሳዝ ኮቺሬ።

ዬሱሳኬ ዎርዣዲኬ ኦራን ሳዚን ጋልዳ ዶኢሬ ዎ ባዝ ዎይ ጋልዳ ካዉቲሬ። ኢ ኣብ ዎይ ቁቺሬ ዓኒፖ ጌዳ ቢጻ ሞርኢ ዬፊ ኢቲቲ ዓርጋ ዎይ ዓይቃ ዶኢባሴ። ዬሱሲ ፌ ካቲቲን ሳርቲ ባርኬ ኪንቲባር ኣቂስሬ ሜናብ ዎርዣባር ማቂሬ።