47. ጳዉሎሳኬ ስላሳኬ ፊልጲሱሳ ካታማ

ሳኦሊ ሮማ ካታ ኣቂሳዝ ጋዲን ጋርታ ዎይ ዬዝምባራ ሮማ ጋዶ ናሳዲ ኢሱምን ጳዉሎሳ ጌይ ጼጊ ኤዴ ፔቲ ጋላስ ጳዉሎሳኬ ኢላጋ ስላስኬ ዬሱሳ ጎይ ሶላዝን ኮሻ ሶሊን ሶላንዳቦ ፊልጶሳ ካታማ ሉኪዴ ኣሳን ጾሳ ጌሻንዳቦ ሽቂኖ ቤስ ካታሚንፖ ቡጊዲ ዋ ላፍ ዎ ቤስ ሉኪዴ ኢና ዛላ ባር ኣቃ ዎ ኣስን ልዲ ጋዚን ፔቲ ማጪን ዲጚዴ ኢዛሬ ጾሳ ካ ጾሳቦ ጎሽታዝ ኣሴ።

ዬሱሳ ሶሊንቲዝ ኪታን ኣማንዝን ጾሳዲ ሊዲ ቡዲን ፊርቂዴ ኢዝኬ ኢዝ ኣሎ ኣሳን ጻማቂንቲዴ ጳዉሎሳኬ ስላሳኬ ፌ ኣል ዶኣምፔን ኢንታብ ሶላዴ ይኮታቦ ኢንቲ ኢዝባርኬ ኢዝ ኣሎ ኣሳን ባራ ዶኢዴ።

ጳዉሎሳኬ ስላስኬ ዎይልን ጋላስ ጌሻ ቤስ ጋልዳ ኣሳን ባር ዎልኣ ዬልሬ ዎይ ጋላስ ኢና ሉኪር ዶሪ ኢታ ኣያና ኤኖ ፌቲ ኣይላ ዉዲር ዶር ኢንታ ዎሂን ዬሬ ኢዛሬ ይ ኢታ ኣያና ጎይ ባራ ብርቲ ቲን ዬይዚ ኬላቦ ኣሳን ቦቲንብታ ሶላሬ ይኮታቦ ጆቂባራ ፌ ላንቦ ዎይልን ሚሽ ቤይሳሬ።

ኣይላ ዉዲርንዳ ኢንቲ ብርንታምባራ ኢንታ ዎሂን ዬሙታ «ዓን ኣሳን ዎይን ዳንዳኢኖ ጾሳ ኣይላ ፋት ጎይን ይንታብ ሶሊሬ ይዝ ጋራ ዎይሳ ኤዴ ጳዉሎስ ኢዛ ጎይልዝ ዲራስ ዪኖ ማሃር ማሃር ኦዴ።

ዉርስ ጋልዳ ፔቲ ቃሚ ዪና ኣይላ ዉዲርንዳ ዉይሳ ኤን ጳዉሎስ ኢዝ ጋልዳፖ ዴሽ ጋር ኢዝ ጋልዳ ዎ ኢታ ኣያናዳ «ዬሱሳ ሱም ባር ኢዝ ጋልዳፖ ኬስካቤ ጌይዴ ኤልባር ኢታ ኣያና ኢዛ ኣሽዴ።

ኣይሊን ዉዲርንዳ ላ ዎ ኣሳን ዎይልን ጎይልዴ ኢታ ኣያና ባይ ማቂጌይን ናኢን ኣይልንዳ ኣሳንቦ ጊዳክ ማቂዝ ባዝ ሶላንዳብ ዳንዳኣባሶን ኤርዴ ዪናሬ ኣሳን ኢንታ ዬልዝ ባዛቦ ኢንታብ ሶላንዳብ ዳንዳኣባሶን ኮታቦ ኢዝ ላንሳቦ ሚሽ ጌልባሴ ጌይንቴ።

ዪኮታቦ ኣይልን ዉዲርን ላን ጳዉሎሳኬ ስላስኬ ሮማ ጋዶ ዳይና ኮ ኤጚዴ ኢንታሬ ቡኪ ቡካር ቃሽ ኣል ጌልስዴ።

ኢንታሬ ጳዉሊስኬ ስላስኬ ቃሽ ኣል ጋርቶ ኪፊላ ጋርታ ቃችኔ ኢንታ ቶህን ዱርሚባር ዎል ኤይር ቃቺዴ ማቂናካሬ ጊዲብላሃ ጋልዳ ጾሳብፖ ጋላታ ማዝሙራ ዬጺዴ።

ኢንቲ ቆፓካይዶን ሳዝ ኤንኢዴ ቃሽን ኣሎ ካራን ዎይ ዋካክ ጋር ፊርቂንቲዴ ቃሽ ኣሳንኮ ቶህዶንዲኬ ኩሽቶ ስላ ዎይ ይልስኪ ጋር ጋርንቲዴ።

ቃሽ ኣልን ናጊዛዲ ፌ ሱርስን ጋርታፖ ባርካዝምባራ ቃሽ ኣሎ ካራ ዎይ ፊርቂንቲኖን ቤቃሪ ኢጪዴ ቃሺንቲኖ ኣሳ ዎይ ቡቲ ሉኪኖ ማጺኔ ዪኮታቦ ፌና ዎንዳቦ ቆፒዴ ቃሽንቲኖ ኣሳን ቡታምፔን ዎቴ ጌይን ሮማ ጋዶ ዳይናን ኢያ ዎምፔኖን ኤርዴ ዎቲናካሬ ጳዉሎስ ኢያ ቤቃሪ «ኣሻቤ ኔና ዎ ፌ ኑ ዎይን ዓይ ዎ ጋር ዎይስዴ።

ቃሽ ኣልን ናጊዛዲ ጳዉሎሳኬ ስላስኬ ዬይሙታ ዎዶር ጋዲሙታ «ታን ፋጻንዳብ ኣብዝ ዎታኖ?» ጋር ኦይጪዴ። ጳዎሎስ ኢኮ «ጎዳ ዬሱሳ ኣማንቤ ኔናኬ ኔ ኣሎ ኣሳን ዎይ ፋጺሬ» ጋር ማሂዴ። ኢናፖ ቃሽ ኣልን ናጊዛዲ ጳዉሎሳኬ ስላስኬ ፌ ኣል ኤጛሪ ኢንታ ኪሳን ሜጪዴ ጳዉሎሳ ፌ ኣል ዎን ዎይንቦ ዬሱሳ ጎይ ሶላዚን ኮሻ ሶሊን ሶልዴ።

ቃሽ ኣልን ናጊዛዲኬ ኢ ኣሎ ኣሳን ዎይ ዬሱሳ ኣማን ጻማቂቲዴ ኢናፖ ቃሽ ኣልን ናጊዛዲ ጳዉሎሳብኬ ስላስቦ ሙይዝ ባዝ ኢንታብ ሺሺዴ ዎልኣ ፔታን ኢንታ ኡፋይሲዴ።

ኢዝ ዎንን ፊልጲሱሳ ቲንዛን ጳዉሎሳኬ ስላስኬ ቃሽ ኣላፖ ብልዴ ፊልጲሱሳ ሉካምፔን ኦይጪዴ ጳዉሎሳኬ ስላስኬ ሊዲኬ ፔቲ ፔቲ ሜላን ላጋን ኢንታ ኦይጫንዳቦ ካታሚን ኣሻር ሉኪዴ ዬሱሳ ጎይ ሶላዝ ኮሻ ሶልንኮን ዳልጋምፔን ዎቲዴ ጌሻ ኬንዳሬ ዲጭሙታ ሉካዴ።

ጳዉሎሳኬ ሜላን ቲንዛን ዬሱሳ ጎይ ሶልኖን ኮሻ ሶልን ሳባኪሙታ ታማርስሙታ ዎይልን ካታምን ጋርታ ዬዴ ማ ሜላ ኣማና ኬን ጋርታ ዎ ኣማንዛን ሚንንዳብኬ ታማርሳዳቦ ዎይልን ኪታን ኢንታብ ጻፊዴ ይን ኪታን ጋርታፖ ፔታን ፔታናን ጌሻ ማጻፋ ጋርታ ዎ ማጻፋ ማቂዴ።