45. ፊልጶሳኬ ኢቶጳ ጋዶ ባላሲልጣናዳክ

ሚኖ ጌሻኬን ጋርታ ዎ ቲንዛን ጋርታፖ ፔታናዲ ኢሲጤፋኖሳ ጌይ ጼጊንታዛ ናሳዳ ኢብ ኮሽ ሱም ዎ ጺላ ኣያናኬ ኢቺት ኩሚኖ ኣሴ ኢስታፋኖስ ዎይልን አታሚራታ ኦኒ ኣሳን ዬሱሳ ኣማናፔን ኮሻባዝ ሶሊ ሺሺዝ ኣሴ።

ፔቲ ጋላስ ኢስጣፋኖስ ዬሱሳ ጎይ ሶሊ ታማራሳምባራ ዬሱሳ ባር ኣማናካዮ ፔቲ ፔቲ ኣሁዳን ኢስጣፋኖሳባር ዎች ኤዴ ዎይልን ጎይላሪ ኢስጣፋኖሳ ጎይ ሃይማኖታ ቲኒዛንኮ ማቃር ሶሊዴ «ሙሲ ጎይኬ ጾሳ ጎይ ኢታ ባዛን ሶላምባራ ኑ ሲሲኪኔ» ጌይዴ ይኮታቦ ሃይማኖታ ቲኒዛን ኤዴ ማ ሜላ ዎርዳ ማርካን ኢስጥፋኖሳ ጎይ ማቃር ሶሊኖ ቄሳ ኣላቃንኬ ሜላን ኣይሁዳን ቲንዛንኮ ኤሄይዴ።

ቄሳ ኣላቃዲ ኢስጣፋኖሳኮ«ዓን ባዛን ኪን ?ጋር ኦይጪዴ፤ኢስጣፋኖሲ ኣብራማ ኬላፖ ኤር ዬሱሳ ኬል ዬላር ጾሲ ዎቲኖ ዎይሊን ጴች ጴች ባዛን ዪፓሬ ጾሳ ዎርዣ ማቂ ማቃር ጾሳ ቲን ዉጪቲኖን ኤልቅ ዎታሪ ማልሳ ኢሚዴ።ኢናፖ ኢንታኮ «ዪንቲ ጋና ዛቢሳን፤ዉጫ ማቂኖ ዎርዣን ኪን ሚኖ ዪንታ ባቢንታንፌኒ ጾሳኮን ኢጺኖንዲፌንኬ ናባን ዎኖንዲፌን ዎይ ጋላስ ጺላኣያና ዪንቲ ኢጺሬ ፤ዪንቲ ዎቲናካሬ ኢንታፖ ሺ ኢታባዝ ኦዴ ዪንቲ ማሳ ዎዴ።

ሃማኖታ ቲኒዛን ዪኖ ሲስካሪ ኢንታ ዋይን ዱሊዝ ዲራስ ሾክ ጌይኖ ቆባር ዉይሳሪ ዎይሊን ጎይልዴ ኢስጣፋኖሲ ካታሚንፖ ጎቺ ዛና ኬሳር ዎንዳብ ሹችባር ቆጺዴ።

ኢስጣፋኖሲ ዓይቃ ጋልዳ ዎዶን «ዬሱሶ ቴ ሼምፒን ኤካቤ» ጋር ኤኡይስዴ ኢናፖ ፌ ቡቂምባራ ቡቂንታሪ «ጎዳጎ ዓና ኢንታ ናጋርን ፋይዳፌ» ጋር ማቃር ዉይስዴ ኢናፖ ዓይቂዴ።

ሳኦላ ጌይዛ ናኢቲዲ ኢስጣፋኖሳ ዎኖ ኣሳን ባር ዎልኣ ዞሪንታር ኢጋልዳ ሹች ጁጊዳምባራ ኢ ኢንታ ኣፊልን ናጊሬ ይና ኢዝ ቃምን ሩሳሌማ ዎ ዎይልን ኣስዬሱሳ ዎሂን ዬዝ ኣሳን ዳስ ኤዴ ይኮታቦ ኣማንዛን ሜላቤስ ዎጺዴ ዎቲናካሬ ዳስ ዎካሬ ሉኪኖ ቤስ ዎይ ዬሱሳ ባዝ ሳባኪ ታማሪስዴ።

ፊሊጶሳ ጌይዛ ዬሱሳ ታማሪዶር ይና ዳስን ኬልባራ ሩሳሌማፖ ዎጺኖ ኣማንዝ ኣሳን ጋርታፖ ፔታናዳ ኢ ሳማራ ሉካር ዬሱሳ ጎይ ሳባኪ ታማርሲን ዎይልን ኣሳን ፋጺዴ ይኒፖ ዎሃ ፌቲ ጋላስ ጾሳ ቲናፖ ኪቲንቲኖ ኪታንቻዲ ኣባኪ ባዮ ቤስ ዎ ፔቲ ጎይ ሉኪስቶ ጋር ጲሊጶሳብ ሶልዴ ጲሊጶስ ጎይን ዬ ጋልዳ ዎዶን ኤርንቲኖ ኢቶጳ ጋዳ ዎ ፔቲ ኣስ ዶሪ ኢያሬ ባሌ ስሊጣና ዶሪ ሳራጋላ ጋልዳ ሉካምባራ ቤቂዴ ናሳ ኢኮ ሉካር ኢባር ሶልንታምፔን ጺላ ኣያናዲ ጲሊጶሳብ ሶሊዴ።

ጲኂጶስ ሳራጋሊንኮ ኡካር ኢቶጳ ጋዶ ናሳዲ ናባ ኢሳሳ ጻፊኖን ጋርታፖ ፔቲ ኪፊልን ናባባምራ ሲስኪዴ ናሳዲ «ሹኪንቲዝ ዶርፌን ዎዴ ዶር ዝም ዶኣዝንዲፌን ፔቲባዛር ሶላካዬ ፊርዳባር ኤኪንቲዴ ቦንቻካዬ ሼምፓባሮ ሳዝን ጋልዳፖ ፓይዴ» ጋር ናባቢዴ።

ፊሊጶስ ኢቶጳ ጋዶ ናሳኮ «ናባዚን ኔቆፓራ?» ጋር ኦይጪዴ ኢቶጳ ጋዶ ናሳዲ «ዋኣኬ ታብ ብርቻር ሶሊዝ ኣስ ባይዶን ቆፓንዳብ ዳንዳኣባሴ ዋዴ ኔ ዓይ ዬራ ታላፊ ዶኣቤ ኤሳሲ ጻፊኖዳ ኢ ፌ ቆምንኮን ጻፊና ዎይ ሜላ ኣሳ ባዝ ጻፊና?» ጌይዴ

ኤሳሲ ጻፊንዳ ዬስሲ ጎይ ማቂኖን ፊሊጶስ ኢቶጳ ጋዶናሳብ ባርቻር ሶልዴ። ማ ፊሊጶስ ዬሱሳ ጎይ ሶሊኖን ኮሻ ሶላ ሶላንዳቦ ሜላን ጾሳ ቃላ ኪፊላን ዎ።

ፊልጶሳኬ ኢቶጳ ጋዶ ናሳዲኬ ዎልኣ ዬሙታ ዋ ዎ ቤስ ዬልዴ ኢቶጳ ጋዶ ናሳዲ ዓዲሼ ዋ ዓይዲ ዎ ታኒ ጻማቂንታኖ? ጌይዴ ሴሬጌሊን ዋዝ ናሳ ሴሬጌሊን ኤቂሳምፔን ሶሊዴ።

ይኮታቦ ዋንኮ ሶፊዴ ፊሊጶሳሬ ኢቶጳ ጋዶ ናሳዳ ጻማቂዴ ዋን ጋርታፖ ኬሲኪኖፖ ዎሃ ጺላ ኣያኖ ኢቆፓካይዶን ፊሊጶሳ ሜላ ጎይ ኤጚዴ ዬሱሳ ጎይ ኣሳንቦ ሶላዚን ኣሻካዬ።

ኢቶጳ ጋዶ ናሳዲ ዬሱሳ ኤርኖ ኮታቦ ኡፋይቲ ሙታ ዶር ፋጋዳ ማቂ ሉካንዳቦ ዬ ኤዴ።