13. ጾሳዲ ኢስሬላንባር ጌልኖ ጫቃ ቃላ

ጾሳዲ ኢስሬላን ቃይባሂሪን ጎይባር ቲኒኖፖ ዎሃ ባራሃ ጋርስባር ሲና ጌይ ጼግንታዝ ኢንዲን ጋላዳ ኤዴ። ይናሬ ሙሶ ሚጫምባር ቤቂኖ ሻይዲንኮ ኢንዲዶ። ዎርዣዳሬ ኢንኢን ጻኒን ጋርታ ፌ ውዳን ቶሊዴ።

ጾሳዲ ኢንታኮ «ይንቲ ታቦ ኪቲንቴጌንኬ ታ ጫቃ ቃሊን ናጋጌይንዶ ቦንቺንቲኖ ቤስኬ ይፓሬ ጌሻ ዎርዣ ታብ ማቂሬ» ጋር ሙሳብኬ ኢስሬላ ዎርዣቦ ሶልዴ።

ዎርዣዲ ኣያና ጎይባራ ፌና ጊግስኖፖ ዓይዝ ቃማፖ ዓኒ ጾሲ ዜልንባራ ዳዳባራ ጩይዢባራ ይፓሬ ሾክ ጌይኖ ዛያ ጊርስባራ ሲና ኢንዲን ጋልዳ ሶብዴ ፉዳ ኢንዲን ጋልዳ ኬስካምፔን ፋቃዲኖንዳ ሙሳብ ሙታ።

ኢናፖ ጾሲ ኢንታብ ቃላ ጌልሪዶሪ «ታኒ ይንታ ጊብጻንቦ ኣይላ ማቂኖን ጋርታፖ ይንታ ፋኖ ጾሳ ዎይን ዳንዳኢኖዳ ይዚህ ሜላ ጾሳብ ጎሺታፒቴ።» ጌይዴ።

«ማቃጾስ ኦፒቴ ኢብ ጎሽታፒቴ ኣባ ጌይን ታኒ ዎዳ ማ ዶኢዛዲ ቃናኢዛ ጾሳዳ።ቴ ሱሚን ሜላ ዓሪ ጼጋፔ ፤ታ ሳምባታ ቃሚን ቦንቻንዳብ ቆፓቤ፤ዪኒቦ ኔ ኦሳ ዎይን ሌሂ ቃሚን ጋርታ ኦቤ ኣባጌይን ታብዝ ቃሚን ኔ ሼምፓራ ታና ቦንቻ ታና ቆፒዝ ቃሜ።»

«ኔ ባባኬ ኔ ኢንዲኬ ቦንቻቤ ኣስ ዎፔ ማጫ ላማፔ ውቃፔ ማቃፔ ኔ ላጋ ማጪንዶ ኢ ኣልንዶ ኢባዝ ጌይዚ ባዝ ዎይ ኣባካር ማቂን ኤካንዳብ ኢንታፔ።

ኢናፖ ጾሳዲ ዓን ታጳ ኪታን ናምኢ ላብች ጌይኖ ሹቻን ጋልዳ ጻፋሪ ሙሳብ ኢምዴ። ማ ጾሳዲ ይንፖ ዎሃ ሜላ ዎይልን ሂጋንኬ ዴምባን ኢምዴ። ዎርዣዲ ይን ሂጋን ናጊ ጌይንዶ ጾሲ ኢንታ ኣንጃዝንዲኬ ኢንታ ናጋዝን ታስፋ ኢንታብ ኢምዴ ሂዲን ኢንቲ ናጋካይ ኣቲጌይን ጾሲ ኢንታ ዓጊሬ።

ማ ጾሳዲ ኢስሬላን ዱንካኒን ዎዛርፌን ኦንዳብ ኮሽርኮ ኢንታብ ሶልዴ። ኢ ዎልኣ ዬልዝ ዱንክማና ጋር ሶልዴ ጴች ማጋራጂባር ፋጊንትኖ ናምኢ ኪፊላ ዎ ጾሳዲ ኢና ዶኢዛ ኮታቦ ማጋራጂምፖ ጌዳ ኡናካ ዎጶ ቤስን ጋርታ ጌልዛንቄሳ ኣላቃን ሙታ ጌልሬ።

ጾሳ ሂጊን ናጋካይ ኦናካር ኣሲ ዎልኣ ዬልዝ ዱንካኒምፖ ቲና ጎይ ዎ ካሻ ቤስን ጋልዳ ጾሳቦ ጃርሽ ማቃምፔን ሜሃ ኤሄንዳብ ዳንዳኢሬ ቄሳዲ ሜሂን ሹካሪ ካሻ ቤሲን ጋልዳ ሚችዴ። ሹኪንቲኖ ሜሃ ሱንዳ ናሳ ናጋርን ኣቻራ ይ ናሳዳ ጾሳ ቲን ጌሻሬ። ጾሳዲ ኢንቲ ቄሳ ማቃምፔንሙስሳ ኢናኣ ፋሮና ማ ኢ ኣሎ ኣሳን(ኢዜርን ዎይ ማራጺዴ።

ዎርዣ ዎይዲ ጾሲ ኢንታቢ ኢምኖ ኪቲን ፎታንዳቦ ጾሳቦ ሙታ ጎሺታንዳቦ ማ ኢብ ቆርንቲኖ ማቃር ዶኣንዳብ ዎልኣ ሳማማኢዴ። ዎቲናካሬ ጾሳቦ ኪቲንታዳቦ ቃላ ጌላሪ ሙቃ ጋምኢኖፖ ዓኒ ኢታ ናጋራ ኦዴ።

ሙሶ ዎይስን ቃም ሲና ኢንዲን ጋልዳ ዶኣሪ ጾሳባር ሶልንቲሬ ዎርዣዲ ኢ ማቂ ዬይእ ዲሬስ ናጋንዳቦ ሶሊዴ። ይኮታቦ ኣሮናኮ ዎርቃ ኤሄሪ ማቃጾሲ ኢንታብ ኮቻምፔን ኦይጪዴ።

ኣሮኒ ኢንታቦ ዎርቃባራ ኦጋና ማይጽሳር ማቃጾስ ኮቺዴ። ዎርዣዲ ውርሲ ፌና ቦቲሪ ማቃጾሳቦ ጎሺቲ ኤዺዴ። ዣርሻር ኢሚዴ ኢንቲ ኦኖ ናጋሪን ጊሻቦ ጾሳ ኢንታ ዎይልን ጎይልዴ። ኢንታ ይሳንዳባር ቆፒዴ። ዎቲናካሬ ሙሶ ኢንቲ ጊሻብ ጌሺዴ ጾሳዳልሬ ኢ ጌሺን ስሲኪዴ ኢንታ ይሳካዬ።

ሙሶ ኢንዲን ጋልዳፖ ሶባሪ ኢንታ ማቃጾሳ ቤቃሪ ዎይልን ጎይላሪ ጾሳዲ ታጳ ኪታን ጻፊኖ ሹቻን ሜይሲዴ።

ኢናፖ ሙሶ ማቃጾሳን ዎንቲዴ ዋ ጋልዳ ኣፋ ላሊዴ ዎርዣዳ ኡሺዴ ጾሳዲ ዎርዣ ጋልዳ ጎይል ሚሻ ዎይልንን ዓይቂዴ።

ሙሶ ማቂ ኢንዲን ጋልዳ ኬስካሪ ጾሳዲ ዎርዣብ ኣቶ ጋምፔን ጌሽዴ። ጾሳዲ ሙሲኮን ሲሲካሪ ኢንታብ ኣቶጌይዴ። ሙሶ ፌ ሜይሲኖን ሹቻን ቤሲን ሜላ ኦራ ላብች ጌይኖ ሹች ጋልዳ ታጳ ኪታን ጻፊዴ።

ኢናፖ ጾሳዲ ኢስሬላን ሲና ኢንዲን ጋልዳፖ ኢንታብ ታስፋ ቃላባር ኢምኖ ቤሲን ኤንዳብ ቲንዴ።