7. परमेश्वर याकूब ने आशीर्वाद आले है।

जेर इ सोरा मोटा थाया तेर याकूब ने घेर रेवु ताजु लगतु थू पोंणे एसाव ने जनावारो नो शिकार करवो गइमो। रबिका वे याकूब थकी लाड़ करयो, पोंणे इसहाक वे एसाव थकी प्रेम राख्यो।

एक दाडो जेर एसाव शिकार करने पासो आयो तर इते घणो भूखो हेथो। एसाव वे याकूब थकी केदो जी ते राख्यु है ऐनेम थकी थोडुक खवाणु मने आल दे। याकूब वे जवाब आल्यो पेल मार थकी आ प्रतिज्ञा कर के पहलौठा थावा ने खातीर थकी हर एक वस्तु जी तने मळवी जुगे इते हेती तू मने आलडी। अत एसाव वे अण हेत वस्तु ने याकूब ने आलवा ने प्रतिज्ञा कर देदी। तर याकूब वे ऐने खावानो आल्यो।

इसहाक एसाव ने आशीर्वाद आलवा मागतो थो, पोंणे ऐने थकी पेल के ऐणे ऐवो करयो, रबिका अने याकूब ने एसाव थावा ने ढोंग करेने ऐने हाते धोखी करयो। इसहाक डोहो हेथो अने भावु देखे नहे सकतो हे थो। ऐतरे हारू याकूब वे एसाव न सीसर पेरय अने बोकड़ी नो सामडो ने आपडा धोधळा अने हाथो इपर पोथ लेदो।

याकूब इसहाक ने मेड आयो, हूँ एसाव है। हूँ ऐतरे हारू आयो है। के तू मने आशीर्वाद आल। जेर इसहाक वे बोकड़ी न बाळ ने मेहसूस करयो अने सीसर हूँग्य, तर अणे हुसू के इते एसाव है अने ऐने आशीर्वाद आल्यो।

एसाव ने याकूब थकी गुस्सा करी याकूब वे ऐने पेल सोरा ने अधिकार ने अने हातेस ऐनी आशीर्वाद ने होदी सौर लीदी थी। अत अणे अणने बा ने मरवा ने बाद याकूब ने मार दडवा नी योजना बणायो।

पोंणे रबिका वे एसाव न योजना ने हमळ लेदो। ऐतरे हारू अणे मने इसहाक वे याकूब न ऐन हगवाळ ने हाते रेवा हारू घणे सीही मोकल देदो।

याकूब कई वरह तक रिबका न हगवाळ ने हाते रयो। हणा टाइम हाते अणे शादी करी अने बारह सौरा ने अने एक सोरी ने जनम आल्यु। परमेश्वर वे ऐने हणो धनवान बणाव देदो।

वीस वरह तक कनान म आपडे घेर थकी सिटी रेवा ने बाद , याकूब आपडे परिवार आपडे सेवको अने आपडे जानवरों न टोणे ने हात ता पालो मायो।

याकूब ऐतरे हारू समकेलो हेथो। केमके अणे हुसू के एसाव आजू होदो एन मार दडवा साहे है। ऐतरे हारू अणे दान अेह वाणील जनावरो न टोळ ने एसाव ने भेड़ मोकलय। जी सेवक हण टोळा ने लेने जा ता भणवे केदो, तारो दास याकूब अन जानवरों ने तने आले है।

पोणे एसाव भावु याकूब ने नुक्सान करवा ने साहते हथो। हेने बजाए इते ऐने एक वखत फेर थकी देखेने घणो राजू हे थो। ऐने बाद याकूब कनान म शांतिपूर्वक रयो। फेर इसहाक मरे गयो अने याकुं अने एसाव वे ऐने डाल्यो। वायदा नी प्रतिज्ञा जी परमेश्वर वे अब्राहम थकी करी थी इ आलू इसहाक थकी याकूब इपर आवी गई हेथी।