1. Ganardin

Aparamangtan Kitungan ednegoi kuddub janaban gabdiletin. Anin tudru dinna lingan ordaran do a kuddub janaban gabdiletin. Anganti Kitungan ordarn gabdiletin, seletin ordaran lungudam do arikadam dakuli itin asan gamlenden kan lingan Kitungan itija adgardied. Bindo Kitungan a jangarda da’an a-lanankan harre.

Ansaring Gamantungan gametin, “Panaliddan de’eti!” Do panaliddan deli. Kitungan panaliddan gijjetin do antati bangsa. Do panaliddan dinna gamle tiyhumetin. Bar anin lanungudan saring panaliddan abansaetin, bar lanunguddan togal gamle tiyhumetin. Do ganardin aymalingan Gamangtungan panalidan abmang dinna lingan gabdiletin.

Anab bagu dinna lingan, “ Kitungan gametin, “ da-an alaningka anansan de-eti.” Do kun ati anansan deli. Kitungan anansan ati riang gamle tiyhumetin.

Anab yagi dinna lingan, Kitungan gametin da-an ati abo manengban de-eti do a-sar solan ganijtan de-eti. Anin asar darakunan ati labon do da-an ati ganingan gamle tiyhumetin. Bar Kitungan gijetin do a-yengan ati gabdile antati bangsa.

Ante saring Kitungan gametin, “Asar sollingan aggaban do biggarda biggarda nebanji paddabeti. Bar Kitungan gijjetin do ayenganti ati gabdile antati bangsa.”

Anab unji dinna lingan, Kitungan gametin, riang lingan panuangan de-eti do uyungan, anggajan, bar sunkranji ganijtan de-eti. Tamban do togalan, a-nggaijan do mihnuman a-babmadbin asan Kitungan aninji adong sabjaetin. Bar Kitungan gijetin do ayengan ati gabdile antati bangsa.

Anab monloi dinna lingan, Kitungan gametin, “Da-a lingan ameng puradanji barij de-etiji, do ontidanji riang lingan engdanetiji.” Ednegoi anin da-a lingan a-engdatinan a-jontunji do kuddub ontidanji gabdile. Bar Kitungan gijjetin antati bangsa. Do aninji adong absitale.

Ganardin anab tudru dinnan, Kitungan gametin, “ Bigarda bigarda jontunji de-eti. Do Kitungan abirna ambrij deli. Do lanu jontunji, hanapung jontunji, tulab jontunji bar Kitungan gijited antati bangsa.”

Anti saring Kitungan gametin, Anlen anokij mukan ambrij mandran a’sabjatai. Aninji odaran do a-kuddub jontunji a-lanangka dane-eti.

Bar Kitungan durdi solan pangan pangle mandran adong gardietin, bar umpedan umpedle puradan tiyetin. Kan amandran a-himan Adam. Do Kitungan Adam amanrengnan apsele aboi surda kudtan oskaietin do anin ado’ng kutan a-turturbin asan tabggihjetin.

Kitungan kutan a-tarangdi bagu ne-ebanji manan mandrengnan neeban, bangsa do irsin aganalam neebanji tabngihjetin. kitungan adam ado’ng gametin do kuttalingan bangsa do irsen aganalam ne-eban sadan sadle iti janang ne-eban a’jo’n jumle rabtite. U’anti addinna kun ati jumte seletin kahidtam.

Ante saring Kitungan gametin, mandran a-nson a-dakunaben bangsated. Bindo Adam apsele jantunji amang saring tanudumaran adakued.

Kun saring Kitungan Adam ado’ng akkalduman akkaldumle Adam a’ondroi jang pangan pangle a’boi insalon a’dong sabjale Adam amangba pangaited.

Kun saring Adam insalon a’do’ng gijan gile gameted “o gai!” Kan ati hen ambriji anin insalo gamle ganudingan deli, itin asan gamlenden anin mandran saring ganadilan deli. Anti asan mandran ua-yangan omdan omdale a-dukrin batti a boi detiji.

Kitungan a-nokijmukan ambri ongeran do insalon sabjaan sabjaale aninji adong absitale gametin, “Ateng o’onan do udleng onan dean dele odarlingan barij deba.” Bar Kitungan gijeted do anin a-kuddub ganardi janabanji boi boi bangsa do kan a-kuduban apsele boi boi moihndali. Ganardin a turu dinalingan kan a kudub Kitungan Gabdiletin.

Anganti anab gulji dinan yerai, Kitungan a lumlen akudub baranji tabkuddeted, bar anin anab gulji dinan absitaan absitale madrideted. Itin asan gamlenden kun adinan anin kuddub baran saring luluneted. Edngoi Kitugan ordaran do kuddub janaban gabdiletin.