11. फसह

परमेश्वर न मूसा अखिन हारून ला फिरौन को जवर येव कवन लाइक धाड़िस की इस्राएलिइन ला जान दे| उन ओला चेतावनी देइन की अगर ऊ उनला जान नहीं देए, त परमेश्वर मिस्र का लोखहीन अखिन ढोर का पूरा पहिलौठा ला मार डाके | फिरौनन येव आएक कर भी परमेश्वर परा विश्वास करन ला अखिन ओकी बात मानला इंकार कर देइस|

परमेश्वर न ओको पर विश्वास करन वालो कोई को भी पहिलो टुरा ला बचावन लाईक एक ऊपाय करिस| सब परिवार ला एक निष्कलंक मेमना ला धरकर ओकी बलिदान करणों होतो|

परमेश्वर न इस्राएलिइन सीन वन मेमना को खून ला धर कर आपरो घरइन को दरवाजो पर लगावन लाइक कइस| उनला ओको माँस ला भुजनो होतो अखिन मंग उनला अखमिरी रोटी को संग ओला फुरताई लक खानो होतो| वन ऊ जेवन करन को बाद मा उनला तत्काल मिस्र ला छोड़न लाइक भी तैयाररवन लाइक कइस |

जसो करन लाइक परमेश्वर न इस्राएलिइन ला हुकुम देई होतीस ऊन ओको मुताबिक सब काई करिन | अर्धोंरात्रि मा, परमेश्वर पूरो एक पहिलो टुरा ला मारत मिस्र को बीच मा लक गएव |

इस्राएलिइन को पुरो एक घर को दरवाजो पर खून लगेव होतो, येकों लाइक परमेश्वर न वन घरइन ला छोड़ देइस| उनको अंदर का सब लोक सही सलामत होता| वय मेमना को खून को वजह लक बच गया होता|

लेकिन मिस्रीइन न परमेश्वर पर विश्वास नहीं करी होतीन अखिन ओको हुकुम ला नहीं मानी होतीन | येकों लाइक परमेश्वर न उनको घर ला नहीं छोड़िस | परमेश्वर न मिस्रीइन का पूरा एक पहेलों टुरा ला मार देइस |

जेल मा का कैदिइन को पहेलों लक, त फिरौनको पहेलों तक, पूरई एक पहेला नर मर गया | आपरो गहरों दुख को कारण मिस्र का बहुत सारा लोक रोवत होता अखिन सोक मनावत होता|

वनच रात मा,फिरौन न मूसा अखिन हारून ला बुलाइस अखिन कहीस, “इस्राएलिहिन ला धरकर जलदीच मिस्र मा लक निकल जाओ!” मिस्र का लोखहीन न भी इस्राएलिहिन ला जलदीच जान ला आग्रह करीन|