6. ୬. ଈଶ୍ୱର୍ ଇଶହାକାଃ ଲାଗିଦ୍ଃତେ ଯୋଗାୟାଆ

ତିନ୍‌ଜଖାଃ ଆବ୍ରାହାମ୍ ଆଡିଗାନେ ହାଲାମ୍‌ ଇଦିଏନାୟେ, ଆଜ୍ଃରେନ୍ ହପନ୍ ଇଶ୍‌ହାକ୍‌ ହଁ, ଜୁୱାନ୍‌ ଇଦିଏନାଏ। ଅନାତେ ଅବ୍ରାହମ୍ ଆଜ୍ଃରେନ୍‌ ଗୁତିଏ ଭେଜାକେଦେଆଏ, ଅକାଦିଶମ୍‌ରେ ଆଜ୍ଃରେନ୍ ସାଗାଇଆନ୍‌କ ତାହେଁନ କାନ୍ ତାହେଁଦଃ ଅନାଦିଶମ୍ ଖନ୍ ମିଃଟାଂ ଇଶାହାକ୍ ଲାଗିଦଃତେ ବାହୁ ଆଗୁଏ ଲାଇଆଦେଆଏ।

ଆଡି ସାଗିଂଞ୍ଜ୍ ତାଳାମ୍ କେଦ୍ଃ ତାୟମ୍, ଅବ୍ରାହାମ୍ ରେନ୍ ଗୁତି ଅନାଦିଶମ୍‌ତେ ସେଟେର୍ ଏନାୟେ, ଅକାଦିଶମ୍‌ରେ ଅବ୍ରାହାମ୍ ରେନ୍ ସାଗାଇଆନ୍ କୋ ତାହେଁକାନା। ଈଶ୍ୱର୍ ବାବା, ଯାହାଁଲେକାତେ ଆଜ୍ଃ ରିବିକା ସାଓଁତେ ଞ୍ଜେପେଲଃ ମାଏ ମେନ୍ତେ ଉନି ଗୁତିଏ ମେତାଦେଆଏ। ଉନି ରିବିକା ଆବ୍ରାହାମ ବୟହାରେନ୍ ଗଲମ୍ କୁଳୀଏ ତାହେଁକାନା।

ରିବିକା କୁସିଏନାଏ ଆର୍ ଆଜ୍ଃରେନ୍ ଅଳାଃ ହଳ୍‌କ ବାଗିକାତେ ଉନି ଗୁତି ସାଲାଃତେ ଇଶାହାକାଃ ଅଳାଃତେ ରୁଆଳ୍ ଲାଗିଦ୍ଃ ମନେ କେଃଆୟେ। ଆଜ୍ଃ ସେଟେରଃ ତାରା ଇଶାହାକେ ବାପ୍ଲାୟେନାଏ।

ଆଡି ଦୀନ ତାୟମ, ଆବ୍ରାହାମେ ଗଃଜ୍ ଏନା। ଆର୍ ଆଃଜ୍ ଏମଆକାଦ୍ଃ କାଥା ଅନ୍‌ସାର୍‌ତେ, ଈଶ୍ୱରବାବା, ଅବ୍ରାହାମ୍‌ରେନ୍ ହପନ୍ ଇଶାହାକ୍ ଏ ଆଶିଷ କେଦେୟାୟ। ଈଶ୍ୱର୍ ବାବା ସାଲାଃ କାଥା ଏପେମ ଆକାନ୍ ଲେକାତେ, ଆବ୍ରାହମ୍ ରେନ୍‌ ଅହିସାବ୍ ଜାତ୍‌କ ହୁୟୁଗଃଆ। ମେନଖାନ୍ ଇସାହକ ରେନ ଜୁରୀ ରିବିକାରେନ୍‌ଦ ହପନଗେ ବାକ ହୁଇଲେନା।

ଈଶାହାକ୍ ରିବିକା ଲାଗିଦ୍ଃଏ ବିନ୍ତିକେଃଆ। ଆର୍ ଈଶ୍ୱର୍ ବାବା ଯାଆଁଳା ଗିଦ୍ରା ରେୟାଃ ହାମାଲ୍ ହଳ୍ମ ଲାଗିଦ୍ଃ ଦାଳେ ଏମାଦେଆଏ, ଅକା ଅକ୍ତରେ ଉନକିନ୍ ଗିଦ୍ରା ରିବିକାଃ ହଳ୍ମରେ କୀନ୍ ତାହେଁକାନା, ଆର୍ ଆକିନ୍ ଭିତିର୍‌ରେ ତାପାମ୍ କିନ୍ ଛୁଟାଉଏନା, ଅନାଲାଗିଦ୍ଃତେ ରିବିକା ନଆଁ ଚେଦ୍ଃ ହୁୟୁଗଃକାନା ମେନ୍ତେ ଇଶ୍ବର୍ ବାବାଏ କୁଲିକେଦେୟା।

ଈଶ୍ୱର ବାବା ରିବିକାଏ ମେତାଃଦେଆଏ, ଆମ୍ ଜାଆଁଳା ଗିଦ୍ରାମ୍ ଜାନାମ୍ କିନା। ଉନ୍‌କିନ୍ ଖନ୍ ବାର୍ ଭିନା ଭିନା ଜାତିକ ବେନାୱଃଆ। ଉନ୍‌କିନ୍ ଆକିନ୍ ଆକିନ୍ ରେକିନ୍ ଲାଢାଇୟା। ମେନ୍‌ଖାନ୍ ମାରାଂ ହପନ୍ ଠେନ୍ ଖନ୍ ଉପାନଃକାନ୍ ଜାତିଖନ୍, ହୁଡିଞ୍ଜ୍ ହପନ୍ ଠେନ୍‌ଖନ୍ ଉପାନଃକାନ୍ ଯାତ୍‌କ କାଥା ଆଞ୍ଜମ୍‌ତେ ହୁଇଆଃକଆ।

ତିନ୍ ବେଳାରେ ରିବିକାରେନ୍ ଗିଦ୍ରାକିନ୍ ଜାନାମ୍ ଏନା, ମାରାଂ ହପନ୍ ଆରାଃଗେ ଆର୍ ଉବଃ ପେରେଜ୍ଃ ହଳ୍ମ ଗିଦ୍ରାଏ ହୁଇଏନା, ଆର୍‌ ଉନି ଆଜାଃ ଞ୍ଜୁତୁମ୍ ଏସୌ ଏ ଦହ କେଃଆ । ଆର୍ ହୁଡିଂ ହୋପନ୍ ଏସୌଆଃ ଜାଁଗା ଜଟେତ୍ଃ କାତେ ଜାନାମ୍ ଏନା । ଆର୍ ଆଜାଃ ଞ୍ଜୁତୁମ୍ ଯାକୁବ୍ଏ ଦହକେଃଆ।