11. ୧୧. ତାଳାମ୍ ପାରମ୍‌

ଈଶ୍ୱର୍ ମୋଶା ଆର୍ ହାରଣେ ଲାଇ ଭେଜାଆଦ୍ଃ କିନା, ଇସ୍ରାଏଲ୍ ହଳ୍‌କ ଚାଲାଅ ହଚ ଆକବିନ୍। ଉନ୍‌କିନ୍ ଫାରୋ ଚେତାୱ କିନ୍ ଏମାଦେଆ, ଯୁଦି ଉନି ବାଏ ସେନ୍‌ହଚଆ କଆ, ଏନ୍‌ଖାନ୍ ଈଶ୍ୱର୍ ବାବା ମିଶର୍ ଦିଶମ୍ ହଳ୍‌ରେନ୍ ପୁଇଲୁ ଉପାନ୍ ଜାନୱାର୍ କଏ ଗଜ୍ଃକଆ। ତିନ୍‌ଜଖାଃ ଫାରୋ ନଆଁ କାଥାଏ ଆଞ୍ଜମ୍ କେଆଃ, ଏନ୍‌ରେହଁ ଆଜ୍ଃ ଈଶ୍ୱର୍ ଚେତାନ୍‌ରେ ପାତିୟାଉ ଆର୍ ମାନତ୍ ଲାଗିଦ୍ଃତେ ମାନା କେଃଆଏ।

ଅକଏ ଈଶ୍ୱର୍ ଚେତାନ୍‌ରେ ପାତିୟାଉ ଏନାଏ ଉନିଗେ ପୁୟୁଲୁ ହପନ୍ ବାଞ୍ଚାଅରେୟାଃ ହର୍‌ଏ ଉଦୁଃ ଆଦେୟାଏ। ଝତ ଅଳାଃରେ ମିଦ୍ଃ ବୁଗିନ୍ ଭିଡି ଗଜେ ଲାଗିଦ୍ଃ ପାଳାଅଏନା।

ଇସ୍ରାଏଲ୍‌ରେନ୍ ଈଶ୍ୱର୍, ଇସ୍ରାଏଲ୍ ହଳ୍‌କ ଉନି ଭିଡିଆଃ ମାୟାମ୍ ଆପାନ୍ ଆପିନ୍ ଅଳାଃ ଦୁଆର୍‌ରେ ଇର୍ଚିମାକ ମେନ୍ତେ ଲାଇଆଃଦ୍ କଆଏ। ଭିଡିଆଃ ଜିଲ୍ ଭାଜି ଲାକତିୟା ଆର୍ ଆକ ବାଂ ମେସାଃ ପିଠା ସାଓଁ ମେସାକାତେ ଲାଗେ ଜମ୍ ଲାଗ୍‌ତିଆଃ, ଅନା ପିଠା ଜମ୍ ତାୟମ୍ ଲାଗେଧାରା ମିଶର୍ ବାଗିଲାଗିଦ୍ଃ ସାପ୍ଳାଓ ତାହେଁନ୍‌ପେ ମେନ୍ତେ, ଲାଇଆଦ୍ଃ କଆଏ।

ଇଶ୍ୱରାଃ କାଥା ଲେକାତେ ଇସ୍ରାଏଲ୍ ରେନ୍‌ ହଳ୍‌କ କାମି କେଃଆକ। ତାଲା ଞ୍ଜିଦାରେ, ଈଶ୍ୱର୍ ବାବା, ମିଶର୍ ଦିଶମ୍ ରେନ୍ ଝତ ପୁଇଲୁ ହପନ୍ କଏ ଗଜ୍ଃ ଗଜ୍ଃତେ ଆତୁ ତାଲାତେ ଚାଲାଅ ଇଦିଏନାଏ।

ଇସ୍ରାଏଲ୍‌ରିନ୍ ହଳକଆଃ ଝତ ଅଳାଃ ଦୁଆର୍‌ରେ ମାୟାମ୍ ତାହେଁକାନ୍ ଖାତିର୍ ବାଗିଆଃ ନାଏ। ଆର୍ ଅନା ଅଳାଃରେନ୍ ଝତ ହଳ୍ ବୁଗିଗେକ ତାହେଁକାନା। ଭିଡି ମାୟାମ୍ ଲାଗିଦ୍ଃତେ ଆକହଁ ପାରାଙ୍ଗତ୍ କ ଞ୍ଜାମ୍ଆକାଃ।

ମେନ୍‌ଖାନ୍ ମିଶର୍ ଦିଶମ୍‌ରେନ୍ ହଳ୍ ଈଶ୍ୱର୍ ବାବା ବାକ ପାତିୟାଉ ଆଦେୟା ଆର୍‌ବାଂ ଆଜାଃ କାଥା ବାକ ପାତିୟାଉ ଆନା। ଅନାଖାତିର୍ ଈଶ୍ୱର୍ ବାବା ଅକୟେ ଅଳାଃହଁ ବାୟେ ବାଗିଲେଃଆ। ମିଶରିୟ କଆଃ ଝତ ପୁଇଲୁ ହପନେ ଗଜ୍ଃ କେଃଦ୍ କଆଏ।

ଜେଲ୍‌ଖାନାରେ ତାହେଁନ୍ କଏଦିରେନ୍ ପୁଇଲୁ ହପନ୍ ଠେନ୍‌ଖନ୍, ଫାରୋ ରେନ୍ ପୁୟୁଲୁ ହପନ୍ ଧାବିଜ୍ଃ ଝତଏ ଗଜ୍ଃ କେଦ୍ଃକଆ। ଆକଆଃ ଗାହିଁର୍ ଦୁଖ୍ଃ ଇଦିକାତେ ଆଡିଗାନ୍ କ ରାଗେଦ୍ଃ ତାହେଁଦ୍।

ଅନା ଞ୍ଜିଦାରେ ଫାରୋ ମୋଶା ଆର୍ ହାରଣ୍ ହହକାତେ ମେତାଃଦ୍ କିନାଏ, ଇସ୍ରାଏଲ୍ ହଳ୍‌କ ଇଦିକାତେ ଲାଗେ ମିଶର୍ ଖନ୍ ଚାଲାଃପେ, ମିଶର୍ ହଳ୍ ହଁକ ନେଆଁଓ ଏନା ଇସ୍ରାଏଲ୍ ହଳ୍‌ସାଲାଃ।