11. ରୁଟିର୍ ପରବ୍
Listen to this story Audio file · 2.7 MB
The words of this recording are below, in Lodhi.
ପର୍ମେଶର୍ ଫାରୋକେ ସତ୍ରକ୍ କରାଇଁ କୈଲେକ୍ ଯେ ଯଦି ଅଉ ଇସ୍ରାଏଲ୍ହେନ୍କେ ଯାବାକେ ନାଇଁ ଦିତାୟ୍, ହୋଲେ ଅଉ ମାଣୁଷ୍ ଆର୍ ପଶୁହେନ୍କାର୍ ସବୁ ପଢଁଆକେ ମରାବେକ୍ । ଫାରୋ ଯେତେବା ସେଟା ଶୁଣ୍ଲେକ୍ ଅଉ ତେଥାପି ଏଟା ବିଶାଷ୍ କର୍ବା ଆର୍ ଈଶରେର୍ ଆଈଗାଁ ପାଳନ୍ କର୍ବାକେ ମାନାକର୍ଲେକ୍ ।
ଉହାର୍ଠେଁ ଯେନୋକ୍ ବିଶାଷ୍ କର୍ହ୍ଲିଁନ୍ ଈଶର୍ ଉର୍ହାକାର୍ ପଢ଼ୁଆଜନମ୍ ପର୍ତେକ୍କେ ଉଦ୍ଧାର୍ କର୍ବାର୍ ଗୋଟାକ୍ ବୁଧି ବନାଲେକ୍ । ପର୍ତେକ୍ ପର୍ବାର୍କେ ଗୋଟାକ୍ ଧିରା ମେଣ୍ଢାଛାଆକେ ବାଁଚିଁ କରିଁ ଉହାକେ ମରାତେ ପଢ଼ଲେକ୍ ।
ପର୍ମେଶର୍ ଇସ୍ରାଏଲ୍ହେନ୍କେ ମେଣ୍ଢାଛାର୍ କିଛୁକ୍ ରକତ୍ ଆଣିଁ ଉର୍ହାକାର୍ ଘରେର୍ ଦୁଆରେ ଚାରି ଧାରେ ନାଗାତେ କୈଥାଲେକ୍, ଆର୍ ମାସ୍ ପୁଢ଼ିଁ କରିଁ ଆର୍ ତାଢ଼ିଶୂନ୍ ରୁଟି ଖାବାକେ କୈଲେକ୍ । ଉର୍ହା ଖାଇଁ ସାର୍ଲା ପରେ ମିଶର୍କେ ଛାଡ୍ବାର୍ ତୋରେ ସଜ୍ହେବାକେ ମୈଧ ଔ କୈଲେକ୍ ।
ଈଶର୍ ଯେନ୍ ଉହାକେ କର୍ବାର୍ ତୋରେ କିରା ଦିଥାଲେକ୍ । ଇସ୍ରାଏଲ୍ହେନ୍ ସବୁ କାମ୍କେ କୈହ୍ଲିଁନ୍ ମାଝୁରାତିୟେ ଈଶର୍ ମିଶର୍ ମୈଧେ ଯାଇଁ କରିଁ ପଡ଼ୁଁଆ ହୋଆ ସବୁନୋକ୍କେ ମରାଲେକ୍ ।
ଇସ୍ରାଏଲହେନ୍କାର୍ ଘର୍ଗାର୍ ଦୁଆର୍ ଚାରିପାସେ ରକତ୍ ନାଗ୍ଥାଲେକ୍ ; ହୋଲେ ଈଶର୍ ସେଗାକେ ଛାଡ଼ିଁ ଦିଲେକ୍ । ଘର୍ଭିତ୍ରେ ସବୁନୋକ୍ ଆକ୍ତିର୍ ଥାହ୍ଲିଁନ୍ । ମେଣ୍ଢାଛାର୍ ରକ୍ତେର୍ ଦିଁ ଉର୍ହା ଉଦ୍ଧାର୍ ପାହ୍ଲିଁନ୍ ।
ହୋଲେ ମିଶରିୟହେନ୍ ଈଶର୍କେ ବା ଉହାର୍ କିରାଗାକେ ବିଶାଷ୍ କର୍ହ୍ଲଁନ୍ ନାଇଁ । ତେଣୁ ଈଶର୍ ଉର୍ହାକାର୍ ଘର୍ଗାକେ ଛାଡ଼୍ଲେକ୍ ନାଇଁ । ପର୍ମେଶର୍ ମିଶରୀୟହେନ୍କାର୍ ପର୍ତେକ୍ ପଢ଼ୁକେଆଁ ମରାଲେକ୍ ।
ପର୍ତେକ୍ ମିଶରୀୟହେନ୍କେ ସବୁ ପଢ଼ୁଆଁ ଜନମ୍ ନୋଖେର୍ ମରଣ୍ ହୋଲେକ୍ । ଜେଲ୍ଖାନାଇଁ ପଢ଼ୁଆଁଜନମ୍ନୁ ଫାରୋର୍ ପଢ଼ୁଆଜନମ୍ ସବୁ ମର୍ହ୍ଲିଁନ୍ । ଅନେକ୍ ମିଶରୀୟ ଉର୍ହାକାର୍ ଦୁଖେର୍ ଦିଁ କାନ୍ଦିହ୍ଲିଁନ୍ ଆର୍ ମନେପେକାହ୍ଲିଁନ୍ ।
ସୌରାତୀୟେ ଫାରୋ ମୋଶା ଆର୍ ହାରୋଣ୍କେ ଡାକିଁ କୈଲେକ୍ ” ଇସ୍ରାଏଲ୍ହେନ୍କେ ନିଁ ଜଲ୍ଦୀ ମିଶର୍ ଛାଡ଼ିଁ ପାଳାହା ମିଶରେର୍ ନୋକ୍ହେନ୍ ମଇଧ ଇସ୍ରାଏଲ୍ହେନ୍କେ ସାଙ୍ଘେ ସାଙ୍ଘ୍ ମିଶର୍ ଛାଡ଼ି ପାଳାଇଁ ଯାବାର୍ତୋରେ ନେହର୍ ବିନର୍ କର୍ହ୍ଲିଁନ୍ ।
ବାଇବଲର ଏକ କାହାଣୀ:ଯାତ୍ରା ପୁସ୍ତକ ୧୧:୧ - ୧୨:୩୨
Free to use, adapt, and share under an open license (CC BY-SA 4.0).