8. भगवान यीसुफ डो डिजा कुटुम्बो कु खे बचाटिँजखे
घोनोज साल बादोन याकुब सानायेन । डिज डिजा लाडगा कोन यीसुफ खे मेनान कि आम सेने डो डो'गे की आमा डाइचो गइकु चाचारा लक्केन कि बान डोटे हेजे ।
मेटे डिजा डाइटेटाकु यीसुफ खे डोयेनेज कइ डिकुन खोब खिजोहेएन । चोजाकी डिकुगा बटे यीसुफ खे ज्यादा लाड डान । डो डिज सपना डोवेन डान । चोजाकी डिकु गा अघिकारी आरुबा मेँटोन डि टेमोन डिकु डिज खे उठा खेनेज । डो डिजखे खुटाखेनेज डो भगीया खीजा बेपारी कु टिन किजी खेनेज ।
डिजा डाइचो उरान सेने सुटु डिकु यीसुफ गा अँगी खे बकरा खे माखेनेज डो डिजा पचानान चपुच खे । डो डिजा बाटे मेरान उरान सये । डो मेनान की आमा लाडगा कोन खे डोँगोरा जनवारकु जोफेनेज । मेँटोन माँडिखे मेटे याकुब खोब दुक्कोयेन ।
डि बेपारी कु यीसुफ खे मिसरा देसोन सालेनेज । डि मिसरा देसोन नील गडा दुरान खाड सत्तोदेसो टाखा डान । डि बेपारी कु यीसुफ खे मिया खाड सरदार डामा मिनकुन किजिखेनेज । मेटे यीसुफ डिजा मालिकोगा अच्चा सेवा डाखे डो भगवान डिजखे आसिर्वाद जिखे ।
डिजा मालिकोगा जपाये डिजा सेँगोन गिटीजा कोसिस डाखे । फिनी यीसुफ भगवाना विरोदेन आनुवा गुनुवा डाडुन ।
मेटे डिज खिजोयेन डो यीसुफ खे लबाड माँडिटे इलजाम टोकाखे । डो जेला टालान केटखेनेज डो यीसुफ गा इमान भगवाना लिएन पक्का टेन टाखा डान डो भगवान डिज खे आसिर्वाद जिखे ।
बारी साल लागा जेला टालनेज का डान । लाचार कोरो खिजा पेडा लक्केन डान । मिसरा गा राजा फिरोन मिया राटो सपना डोवेन डो डि सपनान डिजेन डुनुम का बान हेजे लक्केन डान । डो बेभाओ परीसान डाउ लक्केन डान । डि सपना गा मतलब डिजा मेरान पेडा मिनकु टे बी घगाल बान डाउ लक्केन डान ।
डि सपनागा मतलब घगाल घल्या भगवान यीसुफ खे का अक्कल जिखे डान । मेटे राजा फिरोन यीसुफ खे जेला टेन बल्लान खोलायेनेज डो सपना गा मतलब राजा खे घलखे की । डि सपना गा मतलब इनी की एइ साल फसल डाउबा डो एइ साल अक्काल बोचोबा ।
राजा फिरोन खे यीसुफ खोब अच्चा का घइेयेन । मेटे डिज डिजखे खाड मँत्री आरुखेनेज । डिज मिसरा देसोन सेबेइ कोरकु गा लिएन राजो डडा घल्या अघिकार जिखे ।
डि एइ साला अच्चा फसल टेँमोन यीसुफ कोरकु खे मेनान की ज्यादा टे ज्यादा ओरोउ गोलाये डो डोये । फिनी इनि एइ साला आकाला टेँमोन कोरकु खे किजी खे बी डो अच्चा टे जोवेन बी ।
डि आकाल मिसरा देसोन का बने फिनी कनान देसोन बी याकुब गा कुटुम्बो कु पेडा डान । डि जगान बी आकाल हेएन डान ।
मेटे याकुब हेजा कोन कु खे आटा ससा मिसरा देसोन कुलखेकु । जब डिजा डाइ टेचो आटा ससागा टेँमोन डिजा मेरान टेगेन बान डान । फिनी डिकु यीसुफ खे चिना डुन । मखा यीसुफ डिकुखे चिनायकु ।
यीसुफ डिजा डाइ टे चो खे डो'टे अजामा टिँज खे की डिकु बदलाटिँजयेन । डे बादोन डिज डिजा डाइचो टेन हेजागा बारेन घालखे डो मेनान की आपे हिगारा बकी आपे बुरा कमाय डाखे डान । डो इँजखे मिया भगिया खिजा किजीकिमी डान ।फिनी भगवान डी बुराइ खे अच्चा आरुखे । हेजे डो मिसरा देसोन पेडागे । इँज अाम डो आमा कुटुम्बो कु खे घल्या आटा जेबा ।
मेटे यीसुफ गा डाइ टे चो उरान ओले । डो बटेटे खे मेनान । यीसुफ आय बी जीटा का टाखानेज । मेटे डिज खोब आरीयेन ।
मका याकुब सनायेना बादोन बी डिज डिजा कुटुम्बोकु सेँगोन मिसरा देसोन पेडा घल्या ओले । डो डिकु सेबाइकु डेन पेडा लज्जेन डान । याकुब गुजु सुटु डिज डिजा कोनकु खे आसिर्वाद जिखे ।
भगवाना गा वादा डो कायदा जो अब्राहामा मेरान टाखा डान । डी इसहाक मेरान ओले डो इसहाक टे याकुब मेरान ओले डो याकुब टे डिजा बारा कोनकु डो कुटुम्बोकु मेरान ओले नाका डी बारा कोनकु गा पिडीकु इसराएल देसोगा बारा जातो आरुएन ।
इनि बाइबला टेन उत:37-50
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।