37, यीसु लाजार खे गुजु टेन जिटाखे
मिया दिन, यीसु लाजारस बिमार टाखा मेंटोन मिया मांडि आजोमखेनेज ,डि लाजारस डो डिजा बारिकिंज बोकोजेकु मरियम डो मारथा यीसु गा खुब मेरान सोपत्तिकु डान । मेटे यीसु इनी मांडि आजोम टेन डिज मेनान की, “ इनी बिमारि गुजु अंटिन हेबु फिनी भगवाना गा बडाइ अंटिन " यीसु डिजा सोपत्तिकु पिरोम लक्केन ,फिनी डिज बारि दिन घल्या टुंगन कोरा तराएन डान ।
बारि दिन ओडजेन बादोन , यीसु डिजा चेलाकु खे मेनान , "बो मा नाका युउदा कोने" “डिजा चेलाकु डिज खे जबाब जिले, "फिनी ए गुरु टे ", इंडि जिरिसा टेंमो सुटु डेन कोरकु आम खे गोगोजा गा कोसिसो डाखे ! यीसु मेनान , “ आबुंया सोप्ति खाड दुनुम टेन गिटीएन ,डो इंज डिज खे टेंगेन का होना मेंटोन "।
चेलाकु यीसु खे जबाब जिले ,” ए गुरु टे, माखा लाजारस गिटिखेनेज टासोन डिज चोजा साजाओ बान लक्केन " मेटे यीसु डिकु खे सोपा सोपा टेन मेनान,” लाजारस ठाइ का गोएन ,इंया कुसि का टाखा चोजा की इंज डेन हेबु डान ,मेटे आपे इंया लिएन इमान सेंगेजबा मेंटोन"।
मेटेन यीसु लाजारस सेएरेन आदिरेन वेकोटोन लाजारस डि सुटु गा गुजु टेन उफुनया दिन डान । मारथा यीसु टेन मिलाटिंज अंटिन बल्लान ओडजेन डो मेनान, “ ए गुरु टे, आम एनेन थानाडबा टासोन इंया बोकोटे गुजु हेबा डाउ डान । फिनी इंया इमान टाखा की आम जो बी भगवान खे आसिबा डिज आम खे जेबा मेंटोन "।
यीसु जबाब टेन मेनान,” इंज का पुनररुतान डो जिवन , जे इंया लिएन इमान सेंगेजबा डिज गोएन माखा जिटा थानाड बा । हर मिखोम जे इंया लिएन इमान डोएबा डिज चोला का बी हेबा गुजु । आमा इमान टाखा की चुज ? ” मारथा मेनान , "हा आ, ए गुरु टे ! इंया इमान टाखा की आम का भगवाना गा कोनटे डो मसिह मेंटोन "।
मेटेन मरियम बी बल्लान हेएन डो यीसु गा नांगान बोचोएन डो मेनान, “ ए गुरु टे, आम एनेन थनाड बा टासोन इंया बोकोटे हेबा गुजु डान ", यीसु डिकु खे कोकोमब्राखेनेज , आपे लाजारस खे टुंगनेज डोखेनेज मेंटोन ?” डिकु डिज खे मेनान , “ कबरित्सान टालान , हेजे डो डो'गे " मेटे यीसु जामखेनेज ।
डि कबरित्सान टे मिया गुफा डान इनी गा दरवाजा मिया गोटा गा पाठा टेन उगुरएन डान । मेटे यीसु आदिरेन डि कबरित्सान मेरान डो डिज डिकु खे मेनान, “ डि गोटा खे आतारखेनेज मेंटोन " फिनी मारथा मेनान , “ डिजा गुजु टेन उफुनया दिन डान नाका डिजा टेन बदबु गा सुकिंज हेजेलक्केन मेंटोन "।
यीसु जबाब जिले , “ इंज आपेखे हेबा घालडुन की आपे इंया लिएन इमान डोए मेटेन भगवाना गा बडाइ डो'डो' बा?” मेटे डिकु डि गोटा पाटा खे आतारखेनेज डान ।
मेटेन लाजारस बल्लान हेएन ! डिज लिजा टेन गुंडीखेनेज डान । यीसु डिकु खे मेनान, “ डिज खे डिजा टेन लिजा कोकोला गा मदत्तो डाए डो डिज खे खुल्लाखेन !” इनी अचोम्बो कमाइ टेन घोनोज यहुदिकु यीसु लिएन इमान साले ।
मेटेन लाजारस बल्लान हेएन ! डिज लिजा टेन गुंडीखेनेज डान । यीसु डिकु खे मेनान, “ डिज खे डिजा टेन लिजा कोकोला गा मदत्तो डाए डो डिज खे खुल्लाखेन !” इनी अचोम्बो कमाइ टेन घोनोज यहुदिकु यीसु लिएन इमान साले ।
फिनी यहुदिकु गा घिरोमी कोरकु खोब जलन हेएन । मेटे डिकु मिया काठा गोगोलाएन डो विचार लज्जेन की चोफार टेन यीसु डो लाजारस खे गोगोजा बा मेंटोन ।
इनी आना बाइबल टेन यहुना 11:1-46
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।