34, यीसु दुसरा आनाकु इठुखेनेज
यीसु भगवाना गा राज्जो बारेन दुसरा घोनोज आना कु घालखेनेज, उदाहरन टेन डिज मेनान ,” भगवाना गा राज्जो मिया राइ गा विजो खिजा जे की मिखोम डिजा खिती तालान हेंडाखेनेज , आपे मालुम की राइ गा विजो सेबेइ विजो टेन बी जिरीसा गा " ।
“ फिनी राइ विजो बडाटिंएन , डो इनी डि बारिगा सेबेइ सिंयाटेन बी खाड सिंया टेन खाडजेन,एतो काडजेन की डि गा डांगो लिएन पंखुर कु हेजेबा डो डेन आराम्बो डडा बा ।
यीसु दुसरा आना मेनान, “ भगवाना गा राज्जो गुंडाचि कोलोम गा आटा खिजा की मिया बाइ इंडि टेन गुंडाचि बा , डि फुलाटिंज टाएन "।
“ भगवाना गा राज्जो डामा गा खादान खिजा जे की मिखोम मिया खिती तालान उकु टेन डोखे डान । मेटे दुसरा कोरो इंडी खे घाटाएन डो एठा गाडाटिंएन । डिज बेभाउ आरिएन टेन ओलेन डो डिजा मेरान जो टाका डान सेबेइ किजीखेमि डो डि डामा टेन इंडि खिति खे सावेन डान "।
“ भगवाना गा राज्जो मिया खाड मोला गा चोखा हिरा खिजा टाखा । मेटे मिया सोनार डिज खे गाटाएन टासोन , डिज डिजा सेबेइ चिजो किजिखे डो डि डामा टेन इंडि चोखा हिरा खे ससाबा "।
मेटे यीसु मिया आना घालखे की कइ कोरकु जेकी डिकु गा हेजा का कमाइ खे आच्चा मेनबा फिनी दुसरा कु खे आच्चा बान मेनबा । डिज मेनान , “ बारिकिँज मंदिर तालान पारथना अंटिन ओलेन डान, मिखोम कर वसुलि मिठाज डान , डो दुसरा मिठाज मिया घारोमि नेता डान "।
” डि घिरोमी कोरो इनी खिजा पारथना डाखे की , भगवान आम खे घन्यवाद, की इंज दुसरा कोरकु खिजा आनुवा गुनुवा कोरो हेबु ,- जेय्सा गुंडाकु , दया बान कोरकु खिजा, सिनाडि कमाइ मिनकु खिजा ,एतो का की इनी कर वसुलि कोरो खिजा गा बान मेंटोन "।
“ मिया मांडि टेन ,इंज मिया हाप्तान बारि टेंमोन उपवास डोएबा डो इंज आम खे इंया गेल भगो जेबा , डो सेबेइ आच्चा का चिजो जेबा"।
फिनी डि कर वसुलि मिठाज डि घिरोमी कोरो टेन ढिली टेंगेन खेन डो आगासो कोने बी डो'डो गा हिम्मोतो हेबा डाडुन । फिनी डिज डिजा चाती टे मुमुंडा टेन भगवान खे पारथना डाखे , ए भगवान , इंया लिएन दया डाए चोजाकि इंज आमा विरोदेन आनुबा गुनुवा डाखेनेज "।
मेटे यीसु मेनान ,“ इंज आपेखे सच्चो सच्चो मांडिबा , कि भगवान डि वसुलि कोरोगा पारथना खे आजोमखे डो डिज खे सेबेए कु सम्मान मेनान कि इनिज का धिरोमी कोरो का । फिनी डिज डि धिरोमी खापेडकु गा पारथना खे ठाय का हेबा पसंदो । जो कोरकु घमनंडो बा डिकु खे भगवान इठान बोचोकुबा फिनी जो कोरकु सानी सोबाव टे थाडबा डिज डिकु खे माठान टुलकु बा”।
इनी बाइबल टेन गा आना मत्ति 13:31-33;44-46;मरकुस4:30-32;लुका 13:18-21;18:9-14
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।