48. यीशु ल वाद्दा खयतर्या मसीह ही

जब परमेश्वर य संसार क्ये पनाव्वा त्ये सेहांङ निक्को ही। क्ये पाप लय हां ही। आदम और हव्वा डा नीमला हंगे प्यार खयनेसी, और व्हाइला। परमेश्वर हाते प्यार खयनेसी। क्ये बीमार या सिको हां ही, परमेश्वर इन्दल संसार क्वो चाहोने।

शेतान य माबू क्ये जरियाय बगिचाया हव्वा हाते बतकाव खय्या, हान्खानी कि व्हाई आय धोखा बे चाहोहा। तब हव्वा और आदम य परमेश्वर क्ये खिलाफ काते पाप खय्याहे। हान्खानी आयलाय पाप खय हाहे अय कारणय धरतिया जिगुहा वालो जम्मा मंछला सियरे।

हान्खानी कि आदम और हव्वा य पाप खयहाहे, अय कारणय थोड़ा और लय बुरो हिय्ये। व्हाइला परमेश्वर क्ये दुश्मनाव बनिव्वासी। जोके परिणामाव क्ये रुपया, तब दी हर डा मंछ य पाप खय हावरे हर डा मंछ जन्मे दी ल परमेश्वर क्ये दुश्मनाव ही। परमेश्वर और मंछला क्ये बिचया शान्ति हां ही पर परमेश्वर शान्ति बनाव थाके चाहो हा।

परमेश्वर य वाद्दा खय्या कि हव्वा क्ये डा संतानाव शेतान क्ये गराव कुचाल्लोरिव। आय अय लय चिनेसी कि शेतान आयक्ये भाव्या चिकयरी। दोहरो शब्द या, शेतान मसीह क्ये हातेरिव, पर परमेश्वर आय फिर जीवतो जिघयरी। अयक्ये बाद, मसीह शेतान क्ये शक्तिव हमेसा खानी खत्म खायरिबाव। घयनु बरेहे बाद,। परमेश्वर य प्रकट खय्या कि व्हाई मसीह यीशु ही।

परमेश्वर य आय बिसेरय पान परिवाराव क्ये बचाववा जो व्हाई जिब्ते वालो ही। नुह डा नाव बनाव खानी ना कि व्हाई अय प्रकारय परमेश्वर य आय मंछला क्ये बचाव्वासी, जो व्हाई पर बरोसा खयनेसी। अय प्रकारय, व्हाई जम्मा परमेश्वर क्ये जरियाय सिको हकदार ही, हान्खानी कि आयलाय पाप खयहाहे। पर परमेश्वर य आय जम्मा ला बचाव खानी यीशु क्ये घाल्वा जो आय पर भरोसा खयनेसी।

घयनु ह्ये बरेहे झानी, पुजारी जो परमेश्वर खानी बलिदान चड़ावतल कुहासी। अय दिख्खोरे कि मंछलाय पाप खय्याहे, और अय लय कि व्हाइला परमेश्वर क्ये जरियाय आयला सजा बेक्ये बराबर व्हाइ। पर व्हाइ बलिदान अयला पाप सिला क्ये माफ़ हां घय हाक्वाहे। यीशु जम्माला होय बयना महान यहूदी पुजारी ही। व्हाई अय खय्या जो कोई यहूदी पुजारी हां घय हाक्कोन्याहे। अय व्हाई डाठ्ठाला बलिदान ही खानी पानक्ये बा जो हर डा क्ये पाप सिला मिटाव हाक्कोन्या। आय मान्या कि परमेश्वर आय जम्माला क्ये पाप सिला खानी आय सजा बेरी। अय कारणय, यीशु महान यहूदी पुजारी हि।

परमेश्वर य अब्राहम ना, “ना नंङ ग जरियाय संसार क्ये जम्मा जातीला क्ये आशीर्वाद बेरीव। ” यीशु अयल अब्राहम क्ये संतानाव ही। परमेश्वर य अब्राहम क्ये जरियाय जम्मा जातीला क्ये आशीर्वाद ब्वसिरे, हान्खानी कि जो यीशु पर भरोसा खय्येरे परमेश्वर आय जम्मा ला क्ये पाप लाय बचावसिरे। जब अय मंछला यीशु या भरोसा खय्येरे, त्ये परमेश्वर आयला क्ये अब्राहम क्ये संतानाव ला मान्योसिरे।

परमेश्वर य अब्राहम ना कि व्हाई ना पानकल पयाये ही, आय खानी बलिदान खय। पर फिर परमेश्वर य इसहाक क्ये बदलेया बलि घय खानी डा भेडे पयाव जिबे। नानी जम्मा पान पापयना खानी सिक्ये हकदार गुहासी! पर परमेश्वर य नानी जग्गाया सी खानी यीशु क्ये बलिदान क्ये रुपया जिबेसी। अय कारणय नानी यीशु क्ये परमेश्वर क्ये पाठाव जोह्हो नय्येरे।

जब परमेश्वर य मिस्त्र या अंतिम आफत घाल्वा त्ये आय हर डा इस्त्राएली परिवारला नासी कि व्हाइला डा पाठा क्ये बलि खयनी। आय पाठा या दोष हां ही चाहिय्यो। तब पानक्ये धेरसिला क्ये चोखट या ठाई और बगलया आयला आय हुई लगावको हिय्ये। जब परमेश्वर य आय हुई क्ये चेपा त्ये व्हाई आय नावला दी गेंताता बड़ीव्वा और आयला पयलो पयाव सिला क्ये हां हातासी। जब अय हिय्ये त्ये परमेश्वर य आय फसह क्ये त्यौहार ना।

यीशु फसह क्ये त्यौहार क्ये डा पाठा जोह्हो व्हा। आय कभय लय पाप हां खय हा, अय कारणय आय क्ये लय गलत हां ही। व्हाई फसह क्ये त्यौहार क्ये समय या सिय्ये। जब कोई लय यीशु या भरोसा खयरे त्ये, तब यीशु क्ये हुईय्यु आय मंछ क्ये पापावला क्ये किमम्ताव चुकावरे। अय इन्द व्हा कि जोह्हो कि परमेश्वर आय मंछे दी हिते गेंत्ता बड़ीव्वा, हान्खानी कि व्हाई आय सजा हां बवरे।

परमेश्वर य इस्त्राएली मंछला हाते डा वाचा खय्या, हान्खानी कि व्हाइला इन्द मंछला ही जो परमेश्वर य पानक्ये ही खानी चुन्यो हा। पर परमेश्वर य डा इन्द वाद्दा खय्या जो कि जम्मा ला खानी व्हा। अगर कोई लय जाती क्ये या कोई मंछ लय अय नय्या वाद्दा क्ये अपनावर त्ये व्हाई परमेश्वर क्ये मंछलाया शामिल हिरी। व्हाई इन्द अय कारणय खयरे हान्खानी कि व्हाई यीशु या भरोसा खयरे।

मूसा डा इन्द भविष्य क्ये बतकाव जिबताव वालो मंछ ही जोय परमेश्वर क्ये वचनाव क्ये बड़ा जोर क्ये हंग प्रचार खय्या। पर यीशु जम्मा भविष्य जिबताव वालोला होय सबसे बयना ही। व्हाई परमेश्वर ही, अय कारणय जो लय खय्या और चिनेसी व्हाई परमेश्वर क्ये काम और वचन ला ही। अय कारणय पवित्र – शास्त्र या यीशु क्ये परमेश्वर क्ये वचन ला नय्येरे।

परमेश्वर य राजा दाऊद हाते वाद्दा खय हा कि राजा क्ये रुपया आयक्ये डा संतानाव परमेश्वर क्ये मंछला हाते हमेसा खानी राज खयरिव। यीशु परमेश्वर क्ये पयाव और मसीह ही, अय कारणय व्हाई राजा दाऊद क्ये संतानाव ही जो हमेसा खानी राज घय हाक्कोरिव।

दाऊद इस्त्राएल क्ये राजा ही, पर यीशु जम्मा जगत क्ये राजा ही! व्हाई फिर पीरी और हमेसा खानी न्याय और शान्ति क्ये हंग पानक्ये राज्य या राज खयरी।