6. परमेश्‍वर इसहाक हन्दू व्यवस्था घादा।

जब अब्राहम सयाइनु कलचु तब इदकु सेनु इसहाक ताकु होरासीरी कु उमर कलनिजु इदु हन्दु अब्राहम सु अफी सेवा घानु मी अफी सेनु इसहाक कु हन्दु भुदाचुमे रेमु हन्दु इदु देश रु पाड़ंसु जो अब्राहम कु सयासी सुड़ं निजु।

इदु देश धीमु हन्दु ताकु पुनु यात्रा कु नोगोन्दी परमेश्‍वर इदु सेवा घानु मी जो रिबका कु दरु दिजु। इदु अब्राहम कु नुनु कु पोती निजु।

रिबका अफ़ी खु कु सीलन इदु सेवक कु साथु वापस दिमु हन्दु मानजु। इदु होनसु इदसु इसहाक सु ब्या किघासु।

ताकु पुनु ज्या कु नोगोन्दी अब्राहम पुड़ंचु। तब परमेश्‍वर सु अब्राहम कु सेनु इसहाक जो आशिर्वाद दासु ,खलन कि परमेश्‍वर सु अब्राहम जो वादा घानिजु। इदु वादा रु परमेश्‍वर सु लिसु अब्राहम कु वंष अनगिनत निजु। खलन कि इसहाक कु भुदाचुमे रिबका कु सेनु मुनिजु।

इसहाक कु रिबका हन्दू प्रार्थना गासू अज्यु परमेश्‍वर इदू ताकू जुड़वाँ सेयनू धनरू तामु रु ताकत दासु। इदु ज्या रु इदु सेयनु रिबका धनरु निजु। आपसरु दागसी निजु जो ले ली निजु रिबका सु परमेश्‍वर सु लिसु।

परमेश्‍वर रिबका सु लिसू गे निसु सेयनु दाड़ंदा। इदु कु सेयनु निसु खिजु खिजु जाती रु बनयाड़ं। इदु ताकू खिचू दाकसी निजु। खलन कि पुनु सेनु जो पेदा निनि जाती जो मीनु सेनु जो पेदा निनि जाती कु आदेश मानुमु निजु

जब रिबका कु सेनु कु जन्म लिचु इदु पुनु सीरी माड़ंनु निजु अज्यु भलझम सु कुभुड़ं निजु अज्यु इदकु मुड़ं एसाव तासु। तब मीनु सेनु एसाव कु एड़ी चुमलन सु ढड़ंसु अज्यु इदु मुड़ं याकूब