40. यीशु जो क्रुश रु किटाड़ं निजु।

यीशु कु मजाक घामु कु नोगोन्दी , सैना इदु क्रुश रु ताम हन्दु कुरलन दिसु। उइसु इदु क्रुश कु इदसु अनसु इदसु सिजायाड़ं।

उई सैना यीशु कु इदु भड़ं रु रेलन राजु जो पिस्या लिदा। अज्यु इदकु ला अज्यु लिगी कु क्रुश रु किटादीसु खलन यीशु सु लिसु है भा अन्दु माफ घादया खलन कि अन्दु मुपेनिजु कि अन्दु खा घानिजु ली। उइसु 1 ताकु तख्ती रु इदकु पिस्या थु टादिसु इदरु किरी निजु यहूदा कु राजा। पिलातुस सु उइजो अनमा रिमु हन्दु किली निजु।

तब सैना सु यीशु कु गे हन्दु चिट्ठि पाड़ंसु जब उइसु अनमा घासु ते उइसु सु इदु भविष्यवाणी जो पुरो घासु जो ली निजु उइसु जिकु घे ताकु खीजुरु कुछुदुसु अज्यु जिकु घे कु हन्दु चिट्ठि घासु।

इदोड़ं निसु डाकू ले निजु , खमरी सैना सु इतम ज्या रु क्:स रु किडाड़ं निजु। उइसु उइकु यीशु कु निसरी चेन्दु तासु ली। इदरु सु ताकु डाकू सू यीशु कु मजाक घासु ,खलन कि खिजु सु लिसु खा घे मुजर निजु कि परमेश्‍वर घे जो सजा दाड़ंदा। निड़ं दलना सु यानु लन कु अपराधी निहेन खलन अन्दु मी निर्दोश ली। ते इदसु यीशु सु लिसु जब घे अफी राज्य रु राजे ते कृपा जी ची घामु। यीशु सु जवाब दासु थियाना घे जी रकसा थौ लोक रु लेयाड़ंहेन।

यहूदी प्रधान अज्यु भीड़ कु खिजु मी जन सु यीशु कु मजाक उडे़सु। उइसु इदुजो लिसु अनमा घे परमेश्‍वर कु सिरी लिजे क्रुश सु यू रानी अज्यु अफी टाड़ां , घे तब निड़ं घेरु विश्‍वाश घादन।

तब इदु दलना देश खु भुड़ंना घालन होमनु कलचु ,दलाड़ं वक्त नुकछु हुम्ड़ं कु वक्त निजु। अन्मा नुकछु जया होमनु कलजु अज्यु 3 सुम घंटा होना अनमा निजु।

तब यीशु सु हरतेलन सु लिसु , पुरो लिजू हे भा जी अफी कु लेमे घेगु लारु दादी ली। तब इदु सु अफी कु पिस्या कु यु घासु अज्यु अफी जो सेदसु। तब इदु सियचु ते ताकु धरती लुक्सिजलन राजु। इदु पुनु पर्दा जो परमेश्‍वर कु इदोड़ं लिमु जो मीजन खिजु घा निजु , थो खर्चु यु पिलेन जु निसु भाग कल निजु।

अफी सीजयाड़ं , वक्त यीशु सु मीजन हन्दु परमेश्‍वर कु दरु रामु कु अम कु खोल दिचु। जब यीशु सु उड़ंनु मी जन ताकु सैना सु जो खेले लिजु अन्दु बीर ताड़ंसु ते इदजो लिसु हुचना सु अनमा मी अपराधी मु निजु। अन्दु परमेश्‍वर कु सीरी ली।

तब यूसुफ अज्यु नीकुदेमुस मुड़ं कु निसु यहूदी प्रधान राजु। उई विश्‍वाश घा निजु कि यीशु मसीह निजु। उइसु पिलातुस सु यीशु कु शरीर कु थोजिसु। उइसु इदकु शरीर घे रु किथमदिसु तब उसु ताकु दाड़ंरु सु खोयलन ठाड़ंसु कब्र कुरलन दिसु अज्यु इदकु भुदरु कितादिसु। तब उइसु इदु कब्र कु दारम बंद घामु कु हन्दु ताकु पुनु उड़ं किचाड़ं दिसु।