7. ጾሳዲ ዓይቆባ ኣንጂዴ

ናኣንሬ ዲጪኖንዲፌን ዓይቆቢ ፌ ኢንዲባር ኣል ዶኣዚን ዶሲሬ።ኤሳ ዎቲናካሬ ኦይ ኦይታንዳብ ዶሲሬ።እርብቃ ዓቆባ ዶሳሬ፤ዪሳቆ ኤሳ ዶሲሬ።

ፔቲ ጋላስ ኤሶ ኦይ ጋርትፖ ማቃር ዬዚምባራ ዎይሊን ኢያ ጋብሳዴ።ዪኮታቦ ኤሶ ዓይቆባኮ«ኣን ዋዴ ኔ ካኖ ፊሺን ጋርታፖ ጊላ ታና ሙሲሼ»ጌይዴ።ዓቆባሬ ኢኮ ቲኒታራ ኔ ባይሪን ታብ ኢማቤ ጋር ማሂዴ።ዪኮታቦ ኤሶ ፌ ባይሪን ዓይቆባብ ኢሚዴ።ኢናፖ ዓቆቢ ፌ ኦኖ ፊሺን ኢብ ኢሚዴ።

ዪሳቂ ፌ ኣንጂን ኤሳብ ኢማንዳብ ኮይዴ።ማቂናካሬ ዪኖ ዎታናፖ ቲን እርቢቂኬ ዓይቆባኪ ዎልኣ ዪሳቃ ማቂዴ።ዓይቆቢ ኤሳ ማይጻሪ ዪሳቃክ ዬይዴ ፤ዪሳቂ ዎይሊን ጪኖኮታቦ ቤቃንዳብ ዳንዳኢባሴ።ዪኮታቦ ዓይቆቢ ኤሳ ማኢኖ ኣፊላን ማኣሪ ማ ዴይሻ ሻች ኤካሪ ፌ ቆታኬ ፌ ኩሺን ሾካሪ ዪሳቃክ ዬሪ ዪሳቃ ማቂዴ።

ዓይቆቢ ዪሳቃኮ ዬሪ «ታኒ ኤሳ ቴ ኔክ ዬዪኔ ኔ ታና ኣንጃንዳብ ዳንዳኣሬ»ጌይን ዪሳቆ ዴይሻ ሻቺን ኤ ቤቂ ማ ኢ ኣፊሊን ሲ ዎታሪ ዓ ኤሳዶኔ ጌይ ቆፓሪ ኣንጂዴ።

ዓይቢ ባራቲንዲኬ ኣንጂን ማቃባር ኤኪዴ።ዪኒኮታቦ ኤሶ ዓይቆባ ኢጺዴ።ኢንታ ባባ ዓይቂኖፖ ዓኒ ኢያ ዎንዳብ ቆፒዴ።

ዎቲናካሬ እርብቃ ኤሳኮን ቆፊን ሲስካዴ።ይኮታቦ ኢዚኬ ዓይቆባክ ፌ ዳባንባራ ዶኣምፔን ጎት ጋዳ ዓይቆባ ሚሺዴ።

ዓይቆቢ ዎይሊን ላይ እርብቂ ዳባንባር ዶኢዴ።ይናኢዝባራ ማጫ ኤኪ ታጶ ናምኢ ኣቲና ናኣንኬ ፔቲ ማጫና ናኢ ዬልዴ። ጾሳዲ ኢያ ዎይሊን ዱሪሲዴ።

ካናና ጋዳ ላምታም ላይ ዶኢኖፖ ዓኒ ዓይቆቢ ፌ ኣሎ ኣሳን፤ኣሽካራን፤ፌ ሜሃን ዎይ ኤካሪ ካናና ጋዳ ማቃንዳቦ ጊጺ ዲንዲዴ።

ኤሶ ዓታሬ ታና ዎንዳቦ ኮይር ዶኢሬ ጋር ፌ ቡዳ ጋርታ ቆፓሪ ዓይቆቢ ኢጪዴ፤ዪኮታቦ ኢብ ኪልስ ማቃምፔን ዎይሊን ሜሃ ኢብ ክልስ ኤሳብ ሚሺዴ። ሜሃን ኢብ ኤኪዬምፔን ዓይቆባ ኣሽካራን ኤሳኮ «ኔ ኣሽካራ ዓይቆቢ ዓን ሜሃን ኔብ ሚሽኔ ኢያሬ ኡክባር ጋምኣካይዶር ዬይሬ» ጌይዴ።

ማቂናካሬ ኤሶ ቲኒታር ዓይቆባ ማርኖ ኮታቦ ማቃር ኢያ ዬላንዳቦ ኡፋይቲሬ። ዓይቆቢ ካናና ጋዳ ኮሽባር ዶኢዴ ኢናፖ ዪሳቆ ዓይቂዴ ዓይቆባኬ ኤሳኬ ዎልኣ ፌ ባባ ዱኪዴ ጾሳዲ ኣብራሃማቦ ዴልኖ ጫቃ ቃልን ዓት ይሳቃፖ ዓይቆባክ ኣዴ።