34. यीशु दुजी काणी री सिक्सा देया

यीशूआ ने परमेसवरा रे राजय रे बारे च ओर बोत काणीया सुणाई। जिया की, तिने बोलया, “परमेसवरा रा राज्‍य ईक राईया रे बिजा साईआ जिते जो किने अपणी बागटिया च बीजी दिता। तुसे जाणाए बई राईया रा बीज सारे बिजा ते छोटा हुआ।”

“पर जब राईया रा बीज बडां हुईजा तब से बगीचे रे सारे पेडा च सबीते बडा हुई जा, इतना बडा की पन्‍छीं तिते री डालिया पर अराम कराय।”

यीशुआ ने ईक ओर कहाणी बताई, “परमेसवरा रा राजय खमीरा साई आ जिते जो ईक ओरत आटे च मलाई देई तब से सारा आटा खमीर हुई जा।”

“सवर्ग रा राजय तिस खजाने साईआ जिते जो किने बागटिया च छुपाई ता। किसी ओर आदमीया जो से खजाना मिली गया ओर तिने तिसो लेने री बोत कोसीस किती। ईते खतर तिने से फेर तरतीया च दबाईता। से इतना खुस हुआ कि तिने जाई के अपणा सब कुछ बेचीता बई से तिसा बागटिया जो खरीदी लो जिथी से खजाना था।”

“सवर्गा रा राजय ईक बोत मेगा अच्‍छा मोतीया रे समान आ। जब कोई मोतिया रा बपारी तिते जो देखी लेया तब से तिते जो खरीदने खतर अपणा सब कुछ बेची देया।”

तीथी कुछ लोक थे जो सोचा थे परमेसवर इते खतर इनाजो मानगा बइ ऐ अछे काम करने लगीरे। ऐ लोक ऐडे लोका जो बुरा मानाऐ जो तीना पले कामा जो नी करदे थे। इते खतर यीशुआ ईना ऐ कानी सुनाई, “दो लोक थे दोनो लोक पुजा खतर मदंरा च गऐ । तीने बीचा च ईक लगान लेने वाला था, ओर दुज ईक तरमी परदान था।”

“तीने तारमीक परदाना ने ईयां पराथना कीती, ‘हे परमेशवर तेरा पला ओ आउं ओर लोका सइ जियां डाकु, बुरा करने वाले आदमी, ब्यभिचारी, ईथी तक तीस लगान लेने वाले सांइ पापी नीआं।’

“इते खतर आउं अफते दो बार बरत रखआं ओर आउं मीजों मीलने वाले तन ओर समान रा दसुआ इसा तीजो देआं।”

“पर से लगान लेने वाला तीस तारमीक परदाना ते दुर खडा उइ गया । ती ने उपर सवरगा री तरफा नी देखेया ।इते री बजह ते तीने आपने आथा कने आपनी छातीया जो मरेया ओर पराथना कीती, ‘हे परमेश्‍वर मां पर दया कर किउंकी आउं पापी आ’।”

तब यीशुआ ने बोलेया, “आउं तुसा कने सच बोला, परमेशवरा नेतीस लगान लेने वाले री पराथना सुनी ओर तीसो तरमी बोलेया । पर तीसो तारमीक परदाना री पराथना ठीक नी लगी परमेशवर सबी कमन्‍डि आदमीया रे सीरा जो नीचा करगा, परमेसवर हर तिस आदमीया जो पसन्‍दं करगा जो अपु जो दिन करगा।”