41. ୪୧. ଈଶ୍‌ପର୍ ଆଯୀଶୁ ଗଇକୁନ୍ ନାନେ ଅମୁରାଗ

ସଇନିକ୍‌ଲେ ଆଯୀଶୁ କୁରୁସ୍‌ବ ଅଡାଇସକୁନ୍ ତୁର୍‌ଗୁ,ଯିହୁଦୀ ନେତାଲେ ଆପିଲାତ ସୁନ ଜେ“ଗିତିନ୍‌ ମିଚ୍ ସୁସୁନା ଯୀଶୁ ସୁନତା ଜେ ମାଇ ତିନ୍ ଦିନ୍ ମୁରାଗ୍‌ତା।ଜାଲନା ମିଣ୍ତା ସତଇସା ରେସାଙ୍ଗ୍ ଟାନ୍‌ବ ଜାଗ୍‌ବାର୍ ପଡ୍‌ତା ମାରି ମାମାଗ୍ ପାଲାଇ ପଡ୍‌ତା ଜେ ସିସ୍‌ଲେ ମାଇନା ଗଇକୁନ୍ ଆଗାଗଡ୍ ଚର୍‌ଲ ଆରୁଙ୍ଗ୍‌ତା ଯଦି ମାଏଲେ ଚର୍‌ଲ ରୁଙ୍ଗ୍‌ତା,ଗିତିନ୍‌ସା ଯୀଶୁ ଗଇକୁନ୍ ରେମଲେନ୍ ନାନେ ମୁରଗିତା ଡସେ ସୁନ୍‌ତ।

ପିଲାତ ସୁନ୍“ଇତି ଆସଇନିକ୍‌ଲେ ରୁଙ୍ଗ୍‌ସେ ପେନ୍‌ପାପ୍ ଜାକ ରେସାଙ୍ଗ୍ ଟାନ୍ ବାନି ଡେମ୍ ”ଗିତିନ୍‌ସା ମଏଲେ ରେସାଙ୍ଗ୍ ଟାନ୍‌ନା ଗାଗାଇନା ଡିକୁନ୍ ଆବିରେ ସିଲ୍ ପାକାୟ ମାରି ଆର ଆସଇନିକଲେ ଟାନ୍‌ୟ ମିରିକି ଜା ମାଇନା ଆଗାଗଡ୍ ଚର୍‌ଲସେ ଆରୁଙ୍ଗ୍‌ ତା।

ଆଯୀଶୁ ଆତିଲକୁନ୍ ମାର୍‌ମିସିଙ୍ଗ୍ ପୁଣ୍ତ ବାର୍‌ନା ଦିନ୍ ଡିଗା।ମାରି ପୁଣ୍ତବାର୍‌ଦିନ୍ ବ ଜାସା ପାଇଟି ଡେଡେମ୍ ଆଡ଼େନ୍‌ତା।ଗିତିନ୍‌ସା ପୁଣ୍ତ ବାର୍‌ନା ଦିନ୍‌ନା ମାର୍‌ମିସିଙ୍ଗ୍ ଜବର୍ ଉନ୍ଜୁର୍ ଜବର୍ ସେଲାନେ ଯୀଶୁନ୍ ରେସାଙ୍ଗ୍ ବ ଇପାଲାଇ ତିଆର୍ ଡେଙ୍ଗା।ମାଏଲେ ମାଇନା ଗାଗଡ୍ ବ ଜବର୍ ବାନି ବାସ୍‌ନା ଜିନିସ୍ ବେବେ ପାଲାଇ ଏତ୍‌ବାର୍ ଡେଙ୍ଗା।

ଗିତିନ୍‌ ସେଲାନେ ଆର କେଟ୍‌ବାର୍‌ନା ଆଗ୍‌ତୁ,ରେସାଙ୍ଗ୍ ବ ଚଟ୍‌ନା ମୁୟଙ୍ଗ୍ ଭୂମିକମ୍ପ୍ ଡେଙ୍ଗା।ମୁଇ ସରଗ୍‌ନା ଦୁତ୍ ଆର ଅସିଗା।ରେସାଙ୍ଗ୍ ନା ଗାଗାଇନା ଆଟାନ୍ ଅନ୍ତୁଡ ବେଡକୁନ୍ ଆବିରେ ପେଲାସେ ମାଇ ଆର ଲେଏଗା।ମାଇ ବିଜିଲି ସୁଗ ତାରାଗ୍ ତିନାଡେଙ୍ଗା।ଆର୍‌ନା ସନିକ୍‌ଲେ ରେସାଙ୍ଗ୍ ବ ଜାଗ୍‌ବାର୍ ଡେଙ୍ଗା ମାଏଲେ ବତୁଙ୍ଗ୍ ଇଗ୍‌ସେ ଗଇକୁନ୍‌ରେମ୍ ସୁଗ ତୁବୁଗ୍‌ବ ଲଗା

ଉଣ୍ତଇଲ ସେଲାନେଲେ ରେସାଙ୍ଗ୍ ଟାନ୍ ବ କେଟ୍‌ଲ,ଦୂତ୍ ଆମାଏଲେ ସୁନ “ଆବତୁଙ୍ଗା।ଯୀଶୁ ଆକା ଆଡିତା।ମାଇ ମିରି ସୁନଡିଗା,ଗିତିନ୍‌ସୁଗ ଗଇକୁନ୍‌ରେମ୍ ନାନେ ତଗ୍‌ଡାଗିତା!ସାବା ମାରି ଆରେସାଙ୍ଗ୍ ଜୁ।”ଆରନା ଟାନ୍‌ବ ଯୀଶୁନ୍ ଗାଗଡ୍ ବୁଙ୍ଗଡିଗା, ସେଲାନେଲେ ରେସାଙ୍ଗ୍ ବିତ୍‌ରେ ଇଗ୍‌ସେ ଜୁଲ।ମାଇନା ଗାଗଡ୍ ଆରାଡିତା

ମାଇନା ତୁର୍‌ଗୁ ସରଗ୍ ଦୂତ୍ ଆତିନ୍ ସେଲାନେଲେ ସୁନ “ଇଗ୍‌ସେ ଆଶିଷ୍‌ଲେ ସୁଁ,“ଯୀଶୁ ଗେକୁନ୍ ନାନେ ତଗ୍‌ଡାଗିତା ମାରି ପେନ୍ ଆଗ୍‌ତୁ ଗାଲିଲୀବ ଇତା।”

ଗିତିନ୍ ସେଲାନେଲେ ଜବର୍ ବତୁଙ୍ଗା ମାରି ଜବର୍ ସାର୍‌ଦାଡେଙ୍ଗ୍ ଡିଗା।ଆଶିଷ୍‌ଲେ ବାନିକବର୍ ସୁସୁ ପାଲାଇ ମାଏଲେ ଉର।

ଉଣ୍ତଇଲ ଗିତିନ୍ ବାନିବାଇ କବର୍ ଆଶିଷ୍‌ଲେ ସୁସୁ ପାଲାଇ ସେଲାନେଲେ ଗାରିବ ଡିଗା,ଯୀଶୁ ଆମାଏଲେ ଅସିଗା ମାରି ମାଏଲେ ଲେପଟ୍‌ସେ ଆମାଇ ଜୁଆର୍ ଡ଼େମ।ଯୀଶୁ ସୁନ ଆବତୁଙ୍ଗା।ୟା ମାରି ଗଲିଲୀ ବ ଇପାଲାଇ ନିଙ୍ଗ୍‌ନା ଆଶିଷ୍‌ଲେ ସୁ।ଆର ମାଏଲେ ଆନିଙ୍ଗ୍ ଜୁତ। ”