28. ୨୮. ଇଙ୍ଗେର୍ ସାଉକାର୍ ନେତା

ମିସିଙ୍ଗ୍,ମିଣ୍ଡା ଇଙ୍ଗେର ନେତା ସାସନ୍ ଡେଡେମ୍ ରେମ ଯୀଶୁନ୍ କଣ୍ତେ ସାଗା ମାରି ପାଚାର୍‌ଲ “ବାନିବାଇ ଗୁରୁ,ମଗଗଇନା ଜିବନ୍ ବାବାଙ୍ଗ୍ ସା ନିଙ୍ଗ୍‌ ମା ଡେମ୍‌ତିଙ୍ଗ୍?”ଯୀଶୁ ଆମାଇ ସୁନ,“ଆନିଙ୍ଗ୍ ମାପାଲାଇ ‘ବାନି’ ଡସେ ସୁନ ନନି?” ମିଣ୍ଡା ଆକା ବାନି ମାରି ମାଇ ଡେଙ୍ଗାନି ଈଶ୍‌ପର୍। ମାତର୍ ନ ଜଦି ମଗଗିନା ଜିବନ୍ ବାବାଙ୍ଗ୍‌ସା ମନ୍‌ଡ଼େମପେନି, ଡିତିନ୍‌ଲ ଈଶ୍‌ପର୍‌ନା ନିୟମ୍‌ଲେ ମାନ୍‌ଲା।

ମାଇ ପାଚାର୍‌ଲ “ଆର୍ ଆର୍‌ନା ନିୟମ୍ ଗୁଲାଇ ନିଙ୍ଗ୍ ପାଲ୍ ବାର୍ ଦର୍‌କାର୍?”ଯୀଶୁ ଉତର୍ ବେଡ“ଆରେମଲେ ଆଅଡାବ। ବଲ୍ ଆଣ୍ଡାବାଇ କାମ୍। ଆଚର୍‌ଲ।ମିଚ ଆସୁନ।ତରଇନା ବା ମାରି ଆୟଙ୍ଗ୍ ସମାନ୍ ଆଲାଦ୍ ଡେମ୍, ମାରି ତରଇନା ଆଲଗେନ୍ ରେମ୍ ଜିବନ୍‌ସୁଗ ଆଲାଦ୍ ଡେମ୍।

ମାତର୍ ଗିତିନ୍‌ ଇଙ୍ଗେର୍ ଆମାଇ ସୁନ ” ନିଙ୍ଗ୍ ଡାଉଲ ବାଈସାଗ୍ କନ୍ ଗୁଲାଇ ପାଲ୍‌ଲ ସାଗ୍ ନିନିଙ୍ଗ୍। ମଗଗଇନା ଜିବନ୍ ବାବାଙ୍ଗ୍ ପାଲାଇ ଆନିଙ୍ଗ୍ ମାରି ମାଡେଡେଙ୍ଗ୍ ଡେଙ୍ଗ୍‌ତା?”ଯୀଶୁ ମାଇନ୍ ବାଗ୍‌ବ ଜୁଲସେ ଆମାଇ ଆଲାଦ୍ ଡ଼େମ।

ଆତିନେ ଯୀଶୁ ଉତର୍ ବେଡ “ଯଦି ନ ଗୁଲାଇବ ବାନି ଡେଡେମ୍ ସା ମନ୍, ଲ ୟା ମାରି ନନା ଗୁଲାଇ ସୁଙ୍ଗ୍ ମାରୀ ଗରିବ୍ ରେମଲେବ ଦନ୍ ଦଲତ୍ ବେଡସୁଙ୍ଗ୍। ମାରି ନ ସରଗ୍‌ବ ଦନ୍ ଦଲତ୍ ବାଙ୍ଗ୍ ତନ। ଗୀନ୍ ତୁର୍‌ଗୁ ସାକସେ ନୀଙ୍ଗ୍ ନା ଗୁଡାଙ୍ଗ୍ ଗାର୍ ସାବା।“

ଉଣ୍ଡୋଇବେଲା ଗୀନ୍ ଇଙ୍ଗେରେ ଯୀଶୁନା କାତା ଅଙ୍ଗ,ମାଇ ଜବର୍ ଦୁକ୍ ଡେଙ୍ଗା,ମାସାଡନା ମାଇ ଜବର୍ ସାଉକାର୍ ରେମଡିଗା ମାରୀ ତରୋଇ ଅରଜ୍ ଲ କୁନ୍ ଗୁଲାଇ ଅନ୍‌ତୁରବାସା ମନ୍ ଆଡେମ୍ ତ। ମାଇ ସାର୍‌ମ ପାଲ୍ ଡ଼େମସେ ଈଶ୍‌ପର୍ନ୍‌ ନାନେ ଡୁଙ୍ଗା

ଗିନ୍‌ତୁର୍‌ଗୁ ଯୀଶୁ ମାଇନା ଆଶିଷ୍‌ଲେ ସୁନ, “ସାଉକାର୍‌ରେମ୍‌ନା ପାଲାଇ ଈଶ୍‌ପର୍‌ନା ରାଜିବ ଗାଗାଇସା ଜବର୍ କସ୍‌ଟ! ଅହଁ ସାଉକାର୍ ରେମନା ସରଗ୍‌ବ ଗାଗାଇନା ବାଦୁଲ୍ ସୁଜିନା କାନା ବେଡସେ ଓଟନା ଗାଗାଇସା ଉସାସ୍।”

ଉଣ୍ଡୋଇବେଲା ଶିଷ୍‌ଲେ ଯୀଶୁନାକାତା ଅଙ୍ଗ, ମାଏଲେ କାବା ଡେଙ୍ଗ୍‌ସେ ମାରି ଆମାଇ ପାଚାର୍‌ଲ “ ଯଦିକନା ଡିକନ୍ ସୁଗ ଡେନାଲ ଜା ରକିୟା ବାବାଙ୍ଗ୍ ଗନ୍ତ୍‌ନେ ?”

ଯୀଶୁ ଶିଷ୍‌ଲେନ୍ ଗାରି ଜୁଲସେ ସୁନ,“ ରେମ ଆତରୋଇ ରକିୟା ଡିଡେମ୍ ଆଗଙ୍ଗ୍‌ତା। କନ୍ ଆଡ଼େନ୍‌ତା। ମାତର୍ ଇଶ୍‌ପର୍‌ ପାଲାଇ ମାସା କାମ ମଡେଡେମ୍ ନା ଡ଼େନ୍‌ତା।“

ପିତର ଆଯୀଶୁ ସୁନ “ନେଲେ ଜେ ନନା ଶିଷ୍ ଲେ ଗୁଲାଇଜାକ ଅନ୍‌ତୁରସେ ନନା ଗୁଡାଙ୍ଗ୍ ଗାର୍ ସାଗିତ୍‌ନେ।ନେ ନେନ୍ ମା ପାଲ୍ ପଲ୍ ବଙ୍ଗ୍‌ତନେ ?”

ଯୀଶୁ ଉତର୍ ବେଡ “ଜାସାରେମ ନିଙ୍ଗ୍ ପାଲାଇ ଡିଅ, ବିୟାଙ୍ଗ୍, କୁନି, ବା, ୟଙ୍ଗ୍, ଡାକୁଇ ଗୁ ମାରି ଦନ୍ ଦଲତ୍ ଅନ୍‌ତୁରତ, ମାଇ ୧୦୦ ଗୁନ୍ ନାନେ ଜବର୍ କନ୍ ଦର୍‌ତନିବ ବାଙ୍ଗ୍‌ତା ମାରି ମାଇ ମଗଗୋଇନା ଜୀବନ୍ ଲନା ବାଙ୍ଗ୍‌ତା। ମାତର୍ ଜବର୍ ରେମଲେ ଜାଲେ କନ୍ ଦର୍‌ତନି ଆତରୋଇ ମୁନା ଡସେ ବାବ୍‌ଲନି, ମାଏଲେ ଈଶ୍‌ପର୍‌ନା ମବ ଡାଉ ଡ଼େନ୍‌ତା ମାରି ଜାଲେ କନ୍ ଦର୍‌ତନି ବ ଡାଉଡସେ ବାବ୍ ଲନି, ମାଏଲେ ଈଶ୍‌ପର୍ ନା ମବ ମୁନା ଡ଼େନ୍‌ତା।