11. ୧୧. ନିସ୍ତାର୍ ପରବ୍
Listen to this story Audio file · 3.0 MB
The words of this recording are below, in Bondo.
ଈଶ୍ପର୍ ଆମୋଶା ମାରି ଆହାରଣ ଇସ୍ରାଏଲନା ଆରେମଲେ ଅନ୍ତୁର ବେଡସେ ଫାରୋନ୍ କଣ୍ଡେ ସୁସୁପାଲାଇ ବେଟାୟ। ମାଏଲେ ଆମାଇ ଚେତାୟ ବେଡ, ଆମାଏଲେ ଇପାଲାଇ ଆଅନ୍ତୁରନା,ଗିନ୍ଲୋ ଈଶ୍ପର୍ ମିସର୍ ନା ଆରେମଲେ ମାରି ସେସେନୁଗ୍ ଜନମ୍ ଡ଼େମକୁନ୍ ଆଗୁଇନେଲେ ମାରି ବନ୍ଜନ୍ତୁଲେ ଅଡାବ୍ତ। ଫାରୋ କନ୍ ଅଙ୍ଗସେ ଲନା ଆଈଶ୍ପର୍ ବିସ୍ବାସ୍ ଆଡେମ୍ତ ମାରି ଗିତିନ୍ ଆମାନ୍ତା।
ଈଶ୍ପର୍ ବ ବିସ୍ବାସ୍ ଡ଼େମକୁନ୍ ଗୁଲାଇରେମ ଆଗ୍ତୁ ଜନମ୍ ଡେଙ୍ଗକୁନ୍ ଆଗୁଲାନେଲେ ରକିୟା ଡେଡେମ୍ ପାଲାଇ ମୁଇ ଗାରି ବେଡ। ଗୁଲାଇ ଡିଅନ୍ରେନ୍ ଚିନା ମଡିକୁନ୍ ମେଣ୍ଡା ରୁଙ୍ଗ୍ସେ ଅଡାବ୍ବାର୍ ଡିଗା।
ଈଶ୍ପର୍ ଆଇଶ୍ରାଏଲିୟରେମଲେ ଗିତିନ୍ ମେଣ୍ଡାନା ବନି ରୁଙ୍ଗ୍ସେ ମାଏନ୍ ଡିଅବନା କାବାଟ୍ବ ଲଗାଇବାର୍ ସା ସୁନ। ମାଏଲେ ଆତିନ୍ ସେଲି ସୁରସେ ଗିତିନ୍ ସଡ଼ା ରୁଟି ବେରଙ୍ଗ୍ ସୁରିକ୍ ସୁସୁମ୍ ସା ଡିଗା। ଗିତିନ୍ ରୁଟି ସୁମକୁନ୍ ତୁର୍ଗୁ ଚଟ୍ନା ମିଶର୍ ଅନ୍ତୁର୍ ପାଲାଇ ତିଆର୍ ଡେଡେମ୍ ସା ମାଇ ଆମାଏ ସୁନ।
ଈଶ୍ପର୍ ମିରିଡେଡେମ୍ ପାଲାଇ ଆଇସ୍ରାଏଲିୟରେମଲେ ଆଦେଶ୍ ବେଡ ଡିଗା, ମାଏଲେ ଡିତିନ୍ ସୁନ ଗୁଲାଇ ଡ଼େମ। ମଜାମିଣ୍ଡିଲୋ, ଈଶ୍ପର୍ ମିସର୍ନା ଗୁଲାଇରେମନ୍ ଅଗ୍ତୁନ୍ ଆଗୁଇନେ ଅଡାବ ଅଡାବସେ ମିସର୍ନା ମଜାଇନାନେ ଇଗା ।
ଇଶ୍ରାଏଲ୍ନା ଗୁଲାଇ ଡିଅନନା କାବାଟ୍ବ ବନି ଲାଗାୟ ଡିଗା, କନ୍ପାଲାଇ ଈଶ୍ପର୍ ଗିତିନ୍ ଡିଅଲେ ଅନ୍ତୁର ବେଡ। ଗିତିନ୍ ଭିତ୍ରେ ଡିକୁନ୍ ରେମଲେ ବାନିଡିଗା। ମେଣ୍ଡାନା ବୋନି ପାଲାଇ ବୁରଗ୍ ଇଡିଗା।
ମାତର୍ ମିସରିୟଲେ ଈଶ୍ପର୍ବ ବିସ୍ବାସ୍ ଡେଡେମ୍ ଆଡ଼େନ୍ତା, ମାରି ମାଇନା କାତା ଆମାନ୍ବାର୍ ଆଡ଼େନ୍ତା। ଗିତିନ୍ ସା ଈଶ୍ପର୍ ମାଏନା ଆଡିଅଲେ ଅନ୍ତୁର ବେଡ଼। ଈଶ୍ପର୍ ମିସରିୟନା ଆଗ୍ତୁ ଜନମ୍ ଡେଙ୍ଗ୍କୁନ୍ ଆଗୁଲେ ଅଡାବସୁଁଅ।
ମିସର୍ନା ଗୁଲାଇ ଆଗ୍ତୁ ଜନମ୍ ଡେମ୍କୁନ୍, ବନ୍ଦିଶାଲ୍ ଡିକୁନ୍ ବନ୍ଦିରେମ୍ନା ଆଗ୍ତୁ ଜନମ୍ ଡ଼େମକୁନ୍ ନାନେ ଫାରୋନା ଆଗ୍ତୁ ଜନମ୍ ଡ଼େମକୁନ୍ ଜାକ ଅଡ଼ାବ୍ଗା। ଜବର୍ ମିସିରିୟ ରେମଲେ ମାଏନା ଜବର୍ କସ୍ଟ ପାଲାଇ ଉଗ୍ଡେଙ୍ଗା।
ଗିତିନ୍ ଦିନ୍ ମିଣ୍ଡି,ଫାରୋ ଆମୋଶା ମାରି ଆହାରୋଣ ୱାୟ ସେସୁନ, “ଆଇଶ୍ରାଏଲିୟରେମଲେ ରୁଙ୍ଗ୍ସେ ଚଟ୍ନା ମିସର୍ ନାନେ ତୁର୍ ସେ ୟା।ମିସରିୟ ରେମଲେ ଲନା ଆଇସ୍ରାଏଲ୍ ରେମଲେ ଚଟ୍ନା ତୁର୍ଇ ପାଲାଇ ଗୁଆର୍ଲ।
ବାଇବଲ୍ ମୁଇ ଉସାରାମ୍ :ଜାତ୍ରା ପୁସ୍ତକ ୧୧:୧୧୨:୩୨
Free to use, adapt, and share under an open license (CC BY-SA 4.0).